മുംബൈ: വിഖ്യാതഗായിക ആഷാ ഭോസ്ലെയുടെ ഫോട്ടോബയോഗ്രഫി ‘ബെസ്റ്റ് ഓഫ് ആഷാ’ കേന്ദ്ര ആഭ്യന്തരമന്ത്രി അമിത് ഷാ പ്രകാശനം ചെയ്തു.
പ്രശസ്ത ഫോട്ടോഗ്രാഫര്‍ ഗൗതം രാജാധ്യക്ഷ എടുത്ത ചിത്രങ്ങള്‍ കോര്‍ത്തിണക്കി ബിജെപി മുംബൈ ഘടകം അധ്യക്ഷനും എംഎല്‍എയുമായ ആശിഷ് ഷേലാര്‍ ആണ് ചിത്രജീവചരിത്രം തയാറാക്കിയത്. മുംബൈയിലെ സഹ്യാദ്രി ഗസ്റ്റ്ഹൗസില്‍ നടന്ന പ്രകാശനച്ചടങ്ങിനിടെ ആഷാ ഭോസ്ലെയുമായി അദ്ദേഹം കൂടിക്കാഴ്ച നടത്തി. ആശിഷ് ഷേലാറിന്റെ പത്‌നി പ്രതിമ ഷേലാല്‍, ജനയ് ഭോസ്ലെ, ആനന്ദ് ഭോസ്ലെ തുടങ്ങിയവരും പരിപാടിയില്‍ പങ്കെടുത്തു.
