ആലപ്പുഴ: ട്രെയിന് യാത്രയ്ക്കിടെ വിദേശവനിതയെ അപമാനിച്ച ആലപ്പുഴ ജില്ലാ ലോട്ടറി ഓഫീസര് അറസ്റ്റില്. തിരുവനന്തപുരം സ്വദേശി പി. ക്രിസ്റ്റഫര് (55) ആണ് റെയില്വേ പോലീസിന്റെ പിടിയിലായത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. ഇന്നലെ രാവിലെ തിരുവനന്തപുരം-കോഴിക്കോട് ജനശതാബ്ദി എക്സ്പ്രസിലാണ് സംഭവം നടന്നത്.
ട്രെയിനില് തൊട്ടടുത്തിരുന്ന വിദേശ വനിതയെയാണ് ക്രിസ്റ്റഫര് അപമാനിച്ചത്. വിദേശ വനിത ഉറങ്ങുമ്പോഴായിരുന്നു ഉപദ്രവം. ഇതേത്തുടര്ന്ന് ട്രെയിന് എറണാകുളത്ത് എത്തിയപ്പോള് റെയില്വേ പോലീസില് പരാതി നല്കുകയായിരുന്നു.
ആലപ്പുഴ റെയില്വേ സ്റ്റേഷന് പരിധിയിലാണ് സംഭവം നടന്നതെന്ന് അന്വേഷണത്തില് വ്യക്തമായി. തുടര്ന്ന് ക്രിസ്റ്റഫറിനെ ലോട്ടറി ഓഫീസിലെത്തി അറസ്റ്റ് ചെയ്യുകയായിരുന്നു.
