വ്യവസായി മുകേഷ് അംബാനിയുടെ മകന് അനന്ത് അംബാനിയും രാധിക മെര്ച്ചന്റുമായുള്ള വിവാഹത്തിന്റെ വിശേഷങ്ങളാണ് കുറച്ച് ദിവസങ്ങളായി നിറഞ്ഞുനിന്നിരുന്നത്. ഇപ്പോള് തിരശ്ശീല വീണിരിക്കുന്നു. എന്നാലും സോഷ്യല് മീഡിയയില് വിശേഷങ്ങള് വൈറലായിക്കൊണ്ടിരിക്കുകയാണ്. ആഘോഷങ്ങളുടെ ഭാഗമായി ബിസിനസ്, സെലിബ്രിറ്റികള് നിറഞ്ഞ ലോകം ഇന്ത്യയില് വന്നണഞ്ഞത്.
Zuck "Watches are cool"
Mark Zuckerberg and his wife admiring Anant Ambani's Audemars Piguet Royal Oak Open Worked Skeleton. pic.twitter.com/BZYPaZN2u0
— AI KATANA (@ai_katana) March 3, 2024
ഇപ്പോഴിതാ ആനന്ദ് അംബാനിയുടേയും മാര്ക്ക് സക്കര്ബര്ഗിന്റേയും ഒരു വീഡിയോ സോഷ്യല് മീഡിയയില് വൈറലാകുകയാണ്. ആനന്ദ് അംബാനിയുടെ വാച്ച് കണ്ട് സക്കര്ബര്ഗിന്റെ ഭാര്യ പ്രസില്ലാ ചാനിന്റെ വീഡിയോ ആണ് വൈറലായിരിക്കുന്നത്.
ആനന്ദ് അംബാനിയും പ്രതിശ്രുത വധു രാധിക മര്ച്ചന്റും അതിഥി സ്വീകരിക്കുന്നതിനിടയില് മാര്ക്ക് സുക്കര്ബര്ഗും ഭാര്യയും അവിടെ എത്തുകയും സംസാരത്തിനിടെ ആനന്ദിന്റെ വാച്ച് കണ്ട് അമ്പരപ്പോടെ കൈത്തണ്ടയില് പിടിച്ചു നോക്കുന്നതും വാച്ചിനെ പറ്റി അഭിപ്രായം പറയുന്നതും കാണാം. റിച്ചാര്ഡ് മില്ലെ വാച്ചാണിതെന്ന് ആനന്ദ് അംബാനി പ്രതികരിക്കുന്നുമുണ്ട്.
വാച്ചിന് ഒരു മില്ല്യണ് ഡോളര് (ഏകദേശം എട്ടു കോടി രൂപ) വില വരും ഈ വാച്ചിന്. ഈ ബ്രാന്ഡിന്റെ ഏറ്റവും വില കുറഞ്ഞ വാച്ചിന് 85,000 ഡോളറാ (ഏകദേശം 70 ലക്ഷം രൂപ)ണ് വിലയുള്ളത്. ശരാശരി 200,000 ഡോളര് (ഏകദേശം 16 കോടി രൂപ) വിലയുമുണ്ട്.
ജൂലൈ 12 ന് മുംബൈയിൽ വച്ചാണ് അനന്ത് അംബാനിയുടെയും രാധിക മെർച്ചന്റിന്റെയും വിവാഹം.
പ്രീ വെഡ്ഡിംഗ് ആഘോഷങ്ങള് കലാപരിപാടികള് കൊണ്ടും സമ്പന്നമായിരുന്നു ചടങ്ങുകള്. സച്ചിന് കരീന കപൂര്, സെയ്ഫ് അലിഖാന്, റണ്വീര് സിങ്, റാണി മുഖര്ജി, ദീപിക പദുക്കോണ് തുടങ്ങി ചടങ്ങിനെത്തിയവരെല്ലാം വ്യത്യസ്തമായ ഔട്ട്ഫിറ്റില് തിളങ്ങി. ചടങ്ങിലെ താരങ്ങളുടെ നൃത്ത വിഡിയോയും വൈറലായി. ദീപികയും റണ്വീറും ഒന്നിച്ചാണ് നൃത്തത്തിന് ചുവടുവച്ചത്. ഇന്ത്യയുടെ അഭിമാനമായ ‘നാട്ടു നാട്ടു’ എന്ന ഗാനത്തിന് ഒന്നിച്ച് ചുവടുവച്ചാണ് അമിര് ഖാനും ഷാറുഖ് ഖാനും സല്മാന് ഖാനും ഞെട്ടിച്ചത്. മനോഹരമായ ചുവടുകള് കൊണ്ട് മുകേഷ് അംബാനിയും നിത അംബാനിയും കാണികളെ കയ്യിലെടുത്തു.
