തൃശൂര് : റെയില്വേ സ്റ്റേഷന് പരിസരത്ത് കണ്ടെത്തിയ മൃതദേഹാവശിഷ്ടങ്ങള് മലപ്പുറം തിരൂരില് അമ്മയും കാമുകനും ചേര്ന്ന് കൊലപ്പെടുത്തിയ കുഞ്ഞിന്റേതെന്ന് നിഗമനം.ഓടയില് നിന്നാണ് മൃതദേഹാവശിഷ്ടങ്ങള് കണ്ടെത്തിയത്.
പതിനൊന്ന് മാസം പ്രായമുള്ള കുഞ്ഞിനെ അമ്മയും കാമുകനും ബന്ധുക്കളും ചേര്ന്ന് കൊലപ്പെടുത്തിയതായി ഇന്ന് അമ്മ മൊഴി നല്കിയിരുന്നു. തമിഴ്നാട് സ്വദേശികളായ ജയസൂര്യന്, ശ്രീപ്രിയ, ബന്ധുക്കള് എന്നിവരെ പൊലീസ് കസ്റ്റഡിയിലെടുത്തു.മൂന്നു മാസം മുമ്പാണ് കൊലപാതകം നടന്നതെന്നാണ് പൊലീസ് നിഗമനം. പ്രതികളെ തിരൂര് പൊലീസ് ചോദ്യം ചെയ്തു വരികയാണ്.
തമിഴ്നാട് പോണ്ടിച്ചേരി കൂടല്ലൂര് സ്വദേശിനി 19 കാരി ശ്രീപ്രിയ കാമുകന് എന്നിവരാണ് 11 മാസം പ്രായമായ കുഞ്ഞിനെ കൊലപ്പെടുത്തി ഉപേക്ഷിച്ചത്. തലക്കാട് പുല്ലുരാല് എസ് ഐഒ ബസ്റ്റോപ്പിനു സമീപമാണ് സംഭവമുണ്ടായത്. കുഞ്ഞിനെ ഉപേക്ഷിച്ചത് തൃശൂരിലാണെന്നാണ് അവര് പൊലീസിനോട് പറഞ്ഞത്.
ശ്രീപ്രിയയെ തേടി ചേച്ചി വിജയയും ഭര്ത്താവും വെള്ളിയാഴ്ച്ച രാവിലെ തിരൂരിലെത്തിയപ്പോഴാണ് സംഭവം പുറത്തായത്. കുഞ്ഞിനെ അന്വേഷിച്ചപ്പോള് പരസ്പര വിരുദ്ധമായ കാര്യങ്ങള് ശ്രീപ്രിയ പറഞ്ഞപ്പോള് സംശയം തോന്നി കൂടുതല് ചോദ്യം ചെയ്തപ്പോഴാണ് കുട്ടിയെ കാമുകനും പിതാവും ചേര്ന്ന് കൊലപ്പെടുത്തിയെന്ന് ശ്രീപ്രിയ പറഞ്ഞത്.
വിവാഹിതയായ ശ്രീപ്രിയയെ ഒന്നരവര്ഷം മുമ്പ് പോണ്ടിച്ചേരിയില് നിന്ന് മൂന്ന് മാസം മുമ്പാണ് ഭര്ത്താവിനൊപ്പം താമസിക്കുമ്പോള് കാണാതായത്. പോണ്ടിച്ചേരിയില് നിന്ന് മുങ്ങിയ ശ്രീപ്രിയ കാമുകനും കുടുംബത്തോടെപ്പം പുല്ലൂരില് വാടകവീട്ടില് താമസിച്ചുവരികയായിരുന്നു. ഇവിടെവച്ചാണ് കുഞ്ഞിനെ കൊലപ്പെടുത്തിയത്. തന്നെ മുറിയല് പൂട്ടിയിട്ട ശേഷം പിതാവും കാമുകനും ചേര്ന്ന് കുഞ്ഞിനെ കൊലപ്പെടുത്തിയെന്നാണ് ശ്രീപ്രിയ വെളിപ്പെടുത്തിയത്.
രണ്ട് മാസം മുമ്പാണ് ശ്രീപ്രിയ ഉള്പ്പെടെയുളളവര് പുല്ലൂരില് താമസം തുടങ്ങിയത്. ശ്രീപ്രിയ ഇവിടെ ഹോട്ടലലില് ജോലി ചെയ്തിരുന്നു.
