തൃശ്ശൂര്: സാംസ്ക്കാരിക നായകന്മാരുമായുള്ള മുഖാമുഖത്തില് ചോദ്യം വന്നപ്പോള് ക്ഷോഭിച്ച് മുഖ്യമന്ത്രി പിണറായി വിജയന്. കെ ആര് നാരായണന് ഇന്സ്റ്റിറ്റിയൂട്ടിനെക്കുറിച്ച് ചോദിച്ച ഗാന രചയിതാവും തിരക്കഥാകൃത്തുമായ ഷിബു ചക്രവര്ത്തിയൊടാണ് മുഖ്യമന്ത്രി ദേഷ്യപ്പെട്ടത്. ദേശീയ ഇന്സ്റ്റിറ്റിയൂട്ട് ഇങ്ങനെ മതിയോ എന്നു ചോദിച്ചപ്പോള് ‘ അവസരം തന്നാല് എന്തും പറയാമോ ‘ എന്നായിരുന്നു പിണറായുടെ മറുപടി.
. കൈരളി ചാനലിന്റെ പ്രോഗ്രാം ഹെഡായും അമൃത ടി വി യില് പ്രോഗ്രാംസ് ആന്റ് ഇവന്റ്സ് വിഭാഗത്തിന്റെ ജനറല് മാനേജറായും ജോലി ചെയ്ത ഷിബു ഇപ്പോള് മീഡിയവണ് ടിവിയില് പ്രോഗ്രാം ചീഫ് ആണ്.
ഇന്സ്റ്റിറ്റിയൂട്ട് നല്ല നിലയിലാണു പ്രവര്ത്തിക്കുന്നതെന്നും പ്രാപ്തിയുള്ളവരാണ് അതിനെ നയിക്കുന്നതെന്നും പറഞ്ഞ മുഖ്യമന്ത്രി അഭിപ്രായം പറയാന് അവസരം കിട്ട!ിയെന്നു കരുതി ഒരു സ്ഥാപനത്തെയാകെ ആക്ഷേപിക്കരുതെന്നും പറഞ്ഞു.
മുഖ്യമന്ത്രി വേദിയിലിരിക്കെ സാഹിത്യകാരന് ടി. പത്മനാഭനും വിമര്ശനം ഉയര്ത്തി. ‘കേരള സര്ക്കാരിനുമേല് ധാരാളം ആരോപണങ്ങളുണ്ട്. നമ്മുടെ മുഖ്യമന്ത്രി ധാരാളം പ്രവൃത്തികള് ചെയ്യുന്നുണ്ട്. തെറ്റുപറ്റിയിരിക്കാം.തെറ്റുപറ്റിയിട്ടുണ്ടെന്ന് അദ്ദേഹം വിശ്വസിക്കുന്നുണ്ടെന്ന് ഞാന് മനസ്സിലാക്കുന്നു’ ടി. പത്മനാഭന് പറഞ്ഞു.
കേരളത്തിന്റെ സാംസ്കാരിക ഉന്നതിക്കായും സാമൂഹിക പുരോഗതിക്കുമായുള്ള ധാരാളം ആശയങ്ങളും നിര്ദ്ദേശങ്ങളും ഈ പരിപാടിയില് ഉയര്ന്നുവന്നുവെന്നാണ് മുഖ്യമന്ത്രി അവകാശപ്പെട്ടത്
