പത്തനംതിട്ട: തിരുവല്ലയില് നിന്ന് കാണാതായ ഒമ്പതാം ക്ലാസുകാരിക്കായി അന്വേഷണം തുടര്ന്ന് പൊലീസ്. പെണ്കുട്ടിയെ കൂട്ടിക്കൊണ്ട് പോയവരുടെ ചിത്രം പുറത്തുവിട്ടു.
ചിത്രത്തിലുളളവരെ തിരിച്ചറിയുന്നവര് അടുത്ത പൊലീസ് സ്റ്റേഷനിലോ, തിരുവല്ല പൊലീസ് സ്റ്റേഷനിലോ വിവരം അറിയിക്കണമെന്ന് തിരുവല്ല ഡിവൈഎസ്പി അറിയിച്ചു. ബസ് സ്റ്റാന്ഡില് വച്ച് പെണ്കുട്ടി യൂണിഫോം മാറി മറ്റൊരു വസ്ത്രം ധരിച്ചുവെന്നും പൊലീസ് പറയുന്നു.
കഴിഞ്ഞ വ്യാഴാഴ്ച വൈകിട്ടാണ് പെണ്കുട്ടിയെ കാണാതായത്. പരീക്ഷ എഴുതാന് സ്കൂളിലേക്ക് പോയ പെണ്കുട്ടി വീട്ടില് മടങ്ങി എത്താതിരുന്നതോടെയാണ് കുട്ടിയെ കാണാതായ വിവരം പൊലീസിനെ അറിയിച്ചത്. പരാതിയില് പൊലീസ് കേസെടുത്തു.
