തിരുവനന്തപുരം: വർക്കല കാപ്പിൽ ബീച്ചിൽ 18-വയസുകാരൻ മുങ്ങിമരിച്ചു. കൊല്ലം കൊട്ടിയം സ്വദേശി സെയ്ദ് അലിയാണ് മരിച്ചത്. സുഹൃത്തുക്കൾക്കൊപ്പം കടലിൽ കുളിക്കവെയായിരുന്നു സംഭവം. സുഹൃത്തുക്കൾക്കൊപ്പം നാല് മണിയോടെയാണ് സെയ്ദ് അലി ബീച്ചിലെത്തിയത്. കുളിക്കുന്നതിനിടെ ഇവർ തിരയിൽപ്പെടുകയായിരുന്നു. ലൈഫ് ഗാർഡുകൾ നടത്തിയ തിരച്ചിലിലാണ് മൃതദേഹം കണ്ടെത്തിയത്.
കഴിഞ്ഞ ദിവസം കാപ്പിൽ ബീച്ചിൽ സമാന രീതിയിൽ ആന്ധ്രാപ്രദേശ് സ്വദേശിയായ വിദ്യാർത്ഥി തിരയിൽപ്പെട്ട് മരിച്ചിരുന്നു.സാൻവിക് എന്ന 21-കാരനാണ് മരിച്ചത്. പാലക്കാട് ഐടിഐ കോളേജ് വിദ്യാർത്ഥിയായിരുന്നു സാൻവിക്. കുളിക്കുന്നതിനിടെയായിരുന്നു അപകടം സംഭവിച്ചത്.
