കോഴിക്കോട്: കവിതകളിലൂടെ വര്ഗീയത ഇളക്കിവിടാനാണ് സച്ചിദാനന്ദന് ശ്രമിക്കുന്നതെന്ന് കവിയും ഗാനരചയിതാവുമായ കൈതപ്രം ദാമോദരന് നമ്പൂതിരി. സാഹിത്യ അക്കാദമി അധ്യക്ഷന് കെ. സച്ചിദാനന്ദനെതിരെയാണ് കവിയുടെ രൂക്ഷവിമര്ശനം.
അധ്യക്ഷസ്ഥാനത്ത് നിന്ന് സച്ചിദാനന്ദനെ നീക്കാന് സാംസ്കാരിക മന്ത്രി തയ്യാറാകണമെന്നും കൈതപ്രം ആവശ്യപ്പെട്ടു. മലയാള മാധ്യമത്തിനു നല്കിയ പ്രതികരണത്തിലാണ് അദേഹം ഇക്കാര്യം വ്യക്തമാക്കിയത്. ഇപ്പോള് തമ്പിച്ചേട്ടനെ (ശ്രീകുമാരന് തമ്പി) പരിഹസിച്ചിട്ടുളള ആ സംഭവമില്ലേ? അതിന് പരിഹാരം ഞാന് പറയാം. അഞ്ചെട്ടു വര്ഷം മുമ്പ് സച്ചിദാനന്ദന്റെ ഒരു കവിത ഞാന് കണ്ടു. അത് കേരള ഗാനമായി കൊടുക്കുന്നതാകും നല്ലത്.
‘നീണ്ട ശവപ്പെട്ടിക്ക് പുറത്തേക്ക് നീണ്ടുനില്ക്കുന്ന കാലുകള്. അത് നീലനിറമായത് കൊണ്ട് കൃഷ്ണനാണെന്ന് രാധ തിരിച്ചറിഞ്ഞു.’ എന്നായിരുന്നു ആ കവിത. ഇത്രയും വൃത്തികെട്ട കവിത ഞാന് മുമ്പ് വായിച്ചിട്ടില്ലെന്നും അദേഹം പറഞ്ഞു. ആള്ക്കാരെ എങ്ങനെയും ഇളക്കിയിട്ടും കയ്യും കാലും വെട്ടിക്കാനുള്ള ഒരു പരിപാടിയാണിതെന്നും കൈതപ്രം വിമര്ശിച്ചു.
