തിരുവനന്തപുരം: തിരുവല്ലം കസ്റ്റഡി മരണത്തില് പൊലീസ് ഉദ്യോഗസ്ഥര്ക്കെതിരെ സിബിഐയുടെ കുറ്റപത്രം. സിബിഐ തിരുവനന്തപുരം യൂണിറ്റ് സിജെഎം കോടതിയിലാണ് റിപ്പോര്ട്ട് നല്കിയത്.
തിരുവല്ലം എസ്.എച്ച്.ഒ.ആയിരുന്ന സുരേഷ് വി.നായര്, എസ്ഐമാരായ വിപിന് പ്രകാശ്, സജികുമാര്, ഹോം ഗാര്ഡ് വിനു എന്നിവര്ക്കെതിരാണ് കുറ്റപത്രം. തിരുവല്ലത്തെ ജഡ്ജി കുന്ന് സന്ദര്ശിക്കാനെത്തിയ ദമ്പതികളെ ആക്രമിച്ച കേസില് പിടികൂടിയ സുരേഷ് കുമാറാണ് പൊലീസ് കസ്റ്റഡിയില് മരിച്ചത്.
മര്ദ്ദനം മൂലമുള്ള ഹൃദയാഘാതത്തെ തുടര്ന്നാണ് മരണമെന്നാണ് പോസ്റ്റുമോര്ട്ടം റിപ്പോര്ട്ട്. പൊലീസുദ്യോഗസ്ഥര്ക്കെതിരെ കുറ്റകരമല്ലാത്ത നരഹത്യക്കാണ് കുറ്റപത്രം.
