മുംബൈ: മാരകായുധങ്ങൾ കടത്താനുള്ള ശ്രമത്തിൽ രണ്ട് പേർ അറസ്റ്റിൽ. പ്രതികളെ മുംബൈയിലെ ട്രോംബെ പോലീസാണ് പിടികൂടിയത്. ഇവരിൽ നിന്നും എട്ട് പിസ്റ്റളുകളും 15 വെടിയുണ്ടകളും കണ്ടെടുത്തു. സംഭവത്തിൽ സഞ്ജയ് മാലി, സിനു പടിഗാല എന്നിവരെയാണ് അറസ്റ്റ് ചെയ്തത്.
ആയുധങ്ങൾ കടത്തുന്നുവെന്ന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതികളെ പിടികൂടിയത്. പ്രതികൾക്കെതിരെ ആയുധ നിയമപ്രകാരം കേസെടുത്തിട്ടുണ്ടെന്നും പോലീസ് അറിയിച്ചു.
