ആലുവ : രണ്ടേമുക്കാൽ കിലോഗ്രാം കഞ്ചാവുമായി മധ്യവയസ്കൻ പോലീസ് പിടിയിൽ . ചെങ്ങമനാട് കപ്രശേരി കൊല്ലംപറമ്പിൽ ഉണ്ണികൃഷ്ണൻ (62) നെയാണ് നെടുമ്പാശ്ശേരി പോലീസ് പിടികൂടിയത്.
പോലീസിന് ലഭിച്ച രഹസ്യവിവരത്തെ തുടർന്ന് ഇയാളുടെ വീട്ടിൽ നടത്തിയ പരിശോധനയിലാണ് കഞ്ചാവ് കണ്ടെത്തിയത്. വിൽപ്പനയ്‌ക്കായി സൂക്ഷിച്ചിരിക്കുകയായിരുന്നു. കഞ്ചാവ് തൂക്കാനുപയോഗിക്കുന്ന 2 ഡിജിറ്റൽ ത്രാസ്, ലോക് കവറുകൾ, വലിക്കാനുപയോഗിക്കുന്ന ബോഗ് എന്നിവ പിടിച്ചെടുത്തു.
കുറച്ചു നാളായി ഇയാൾ പോലീസിന്റെ നിരീക്ഷണത്തിലായിരുന്നു. ഇൻസ്പെക്ടർ ബി.കെ. അരുണിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
