കോട്ടയം: ഗാന്ധിജിയുടെ പേരില് പുതിയ രാമനെ ഉണ്ടാക്കുന്നത് ശകുനിമാരുടെ പുതിയ തന്ത്രമാണെന്ന് നടന് ഹരീഷ് പേരടി. ഒരേ ഒരു രാമനെയുള്ളൂവെന്നും അത് രാമായണത്തിലെ രാമനാണെന്നും ഹരീഷ് പേരടി ഫെയ്സ്ബുക്കില് കുറിച്ചു. സംഘപരിവാറിന്റെ രാമനാണ് ഇതെന്നും ഗാന്ധിജിയുടെ രാമന് വേറെയാണെന്നും മറ്റും പറഞ്ഞ് ഇടതു പക്ഷം നടത്തുന്ന കുപ്രചാരണത്തിന് മറുപടിയെന്ന നിലയ്ക്കാണ് പേരടിയുടെ കുറിപ്പ്.
അദ്ദേഹത്തിന്റെ കുറിപ്പ്
‘ഒരേയൊരു രാമനേയുള്ളു… രാമായണത്തിലെ രാമന്… രാമഭക്തരായ സകല ദൈവവിശ്വാസികളൂം മഹാത്മാവായ ഗാന്ധിജിയും ആ രാമനെയാണ് വിളിച്ചതും വിശ്വസിച്ചതും വിശ്വസിച്ചുകൊണ്ടിരിക്കുന്നതും… ഇനി ഗാന്ധിജിയുടെ പേരില് പുതിയ രാമനെ ഉണ്ടാക്കുന്നത് രാമനെയും ഗാന്ധിയേയും തമ്മില് തെറ്റിക്കാനുള്ള ഒരു ശകുനിതന്ത്രം മാത്രം… പിടിവള്ളി നഷ്ടപ്പെട്ട നാലാം മതത്തിന്റെ അവസാനപിടച്ചില് മാത്രം… രാമനില്ലാതെ നിലനില്ക്കാന് പറ്റില്ലെന്ന തിരിച്ചറിവ് മാത്രം… രാം നാം സത്യ ഹേ.. എന്ന് എല്ലാ അവിശ്വാസികളും ഉറക്കെ ചൊല്ലുന്നു…’
