ബെംഗളൂരു: ഈയിടെ വിവാഹം ഉറപ്പിച്ച കന്നട താരങ്ങളായ അരുണ്‍ ഗൗഡയും ഐശ്വര്യയും വിവാഹത്തിന്റെ വേദി അയോധ്യാ രാമക്ഷേത്രമാക്കാന്‍ തീരുമാനിച്ചു. അയോധ്യയിലെ പ്രാണപ്രതിഷ്ഠാ ദിനമായ ജനവരി 22നാണ് വിവാഹം ഉറപ്പിച്ചത്. ഇതോടെ ആത്മീയ ടൂറിസം എന്നതിനപ്പുറം ഒരു വിവാഹ ഡെസ്റ്റിനേഷന്‍ കൂടി ആയി അയോധ്യ മാറിയേക്കും.
പ്രാണപ്രതിഷ്ഠാദിനത്തില്‍ വിവാഹനിശ്ചയം നടന്നതില്‍ സന്തോഷമുണ്ടെന്ന് ഐശ്വര്യ പറയുന്നു. താനും വരനാകാന്‍ പോകുന്ന അരുണ്‍ ഗൗഡയും തികഞ്ഞ രാമഭക്തരാണെന്നും ഇടയ്‌ക്കിടെ രാമക്ഷേത്രങ്ങള്‍ സന്ദര്‍ശിക്കാറുണ്ടെന്നും ഐശ്വര്യ പറഞ്ഞു.
ഈ വര്‍ഷം അവസാനത്തോടെയാണ് വിവാഹം നിശ്ചയിച്ചിരിക്കുന്നത്. അത് അയോധ്യയിലെ രാമക്ഷേത്രത്തില്‍ വെച്ച് നടത്താന്‍ ആഗ്രഹമുണ്ടെന്നും ഐശ്വര്യ പറഞ്ഞു. കേരളത്തില്‍ വിവാഹ ഡെസ്റ്റിനേഷന്‍ കൂടിയായി മാറിയ ക്ഷേത്രമാണ് ഗുരുവായൂര്‍ ക്ഷേത്രം.
പ്രതികരിക്കാൻ ഇവിടെ എഴുതുക: