മലപ്പുറം : കഴിഞ്ഞ ദിവസം പൂച്ചയുടെ ശരീര ഭാഗങ്ങള് ഭക്ഷിച്ച യുവാവിനെ പൊലീസ് കണ്ടെത്തി. കുറ്റിപ്പുറം റെയില് വേ സ്റ്റേഷനിലാണ് പൊലീസ് ഇയാളെ കണ്ടെത്തിയത്.
മാനസികാസ്വാസ്ഥ്യം പ്രകടിപ്പിച്ച ഇയാളെ കുതിരവട്ടം മാനസികാരോഗ്യ കേന്ദ്രത്തിലേക്ക് മാറ്റി. ആസാം സ്വദേശി യുവാവിന്റെ ബന്ധുക്കളെ വിവരമറിയിച്ചിട്ടുണ്ട
കുറ്റിപ്പുറം ബസ് സ്റ്റാന്റില് വച്ചാണ് കഴിഞ്ഞ ദിവസം വൈകുന്നേരം പൂച്ചയുടെ ശരീര ഭാഗങ്ങള് ഇയാള് ഭക്ഷിച്ചത്. പട്ടിണി കാരണമാണ് പൂച്ചയെ ഭക്ഷിച്ചതെന്നാണ് ഇയാള് പറഞ്ഞത്. തുടര്ന്ന് പൊലീസ് വാങ്ങി നല്കിയ ഭക്ഷണം കഴിച്ച ശേഷം ഇയാള് മറ്റെങ്ങോട്ടോ പോവുകയായിരുന്നു. ഇയാള് ട്രെയിനിലാണ് കുറ്റിപ്പുറം റയില്വേ സ്റ്റേഷനിലെത്തിയതാണെന്നാണ് പൊലീസ് നിഗമനം.
