പത്തനംതിട്ട: കൊടുമണ് ഐക്കാട് വീടുകളിലെ കിണറ്റില് ആസിഡും എണ്ണയും ഒഴിച്ച യുവാവിനെ പൊലീസ് പിടികൂടി. പ്രതി മാനസിക വെല്ലുവിളി നേരിടുന്ന ആളാണെന്ന് പൊലീസ് പറഞ്ഞു. 15 ഓളം വീടുകളിലെ കിണറുകളിലാണ് പ്രദേശവാസിയായ റിതേഷ് ആസിഡും എണ്ണയും ഒഴിച്ചത്.
മലിനജലം കുടിച്ച പെണ്കുട്ടിക്ക് ദേഹാസ്വാസ്ഥ്യമുണ്ടായതിനെ തുടര്ന്നുള്ള അന്വേഷണമാണ് യുവാവിനെ കുടുക്കിയത്.
റിതേഷ് പുലര്ച്ചെ വീടുകളില് അതിക്രമിച്ചു കയറി റബ്ബര് പാല് സംസ്കരിച്ച് ഷീറ്റാക്കാന് സൂക്ഷിച്ചിരിക്കുന്ന ആസിഡ് കൈക്കാലാക്കിയാണ് കിണറുകളില് ഒഴിച്ചത്.
ആസിഡ് കലക്കിയത് അറിയാതെ ചില വീട്ടുകാര് വെള്ളം ഉപയോഗിച്ചു. രുചി വ്യത്യാസവും ദേഹാസ്വാസ്ഥ്യവും അനുഭവപ്പെട്ടപ്പോഴാണ് കിണറുവെള്ളം മലിനപ്പെട്ടെന്ന് മനസിലായത്. കോടതിയില് ഹാജരാക്കിയ റിതേഷിനെ മാനസിക ആരോഗ്യ കേന്ദ്രത്തിലേക്ക് മാറ്റി.
