ന്യൂദൽഹി: ഭാരതത്തിലെ ഏറ്റവും വലുതും ആദ്യത്തെതുമായ മൊബിലിറ്റി എക്സിബിഷനായ “ഭാരത് മൊബിലിറ്റി ഗ്ലോബൽ എക്സ്പോ 2024” ൽ പ്രധാനമന്ത്രി നരേന്ദ്ര മോദി പങ്കെടുക്കും. വെള്ളിയാഴ്ച ഭാരത് മണ്ഡപത്തിൽ നടക്കുന്ന പരിപാടിയിൽ അദ്ദേഹം അഭിസംബോധന ചെയ്ത് സംസാരിക്കുമെന്ന് സംഘാടകർ അറിയിച്ചു.
മൊബിലിറ്റി, ഓട്ടോമോട്ടീവ് മൂല്യ ശൃംഖലകൾ, ഫീച്ചർ എക്സിബിഷനുകൾ, കോൺഫറൻസുകൾ, ഉത്പാദന- ഉപഭോക്ത യോഗങ്ങൾ, സംസ്ഥാന സെഷനുകൾ, റോഡ് സുരക്ഷാ പവലിയൻ, ഗോ-കാർട്ടിംഗ് പോലുള്ള പൊതു കേന്ദ്രീകൃത സംവിധാനങ്ങൾ എല്ലാം തന്നെ എക്സ്പോയിൽ പ്രദർശിപ്പിക്കുമെന്ന് ഔദ്യോഗികമായി അറിയിച്ചിട്ടുണ്ട്.
50-ലധികം രാജ്യങ്ങളിൽ നിന്നുള്ള 800-ലധികം പ്രദർശകരുള്ള എക്സ്പോ അത്യാധുനിക സാങ്കേതികവിദ്യകളും സുസ്ഥിര പരിഹാരങ്ങളും സന്ദർശകർക്കായി ഒരുക്കിയിട്ടുണ്ട്. കൂടാതെ എക്സ്പോയിൽ 28-ലധികം വാഹന നിർമ്മാതാക്കൾ പങ്കെടുക്കുന്നതിന് പുറമെ 600-ലധികം വാഹന ഉപകരങ്ങളുടെ നിർമ്മാതാക്കളും പങ്കെടുക്കും. 13-ലധികം ആഗോള വിപണികളിൽ നിന്നുള്ള 1,000-ലധികം ബ്രാൻഡുകൾ അവരുടെ ഉൽപ്പന്നങ്ങളുടെയും സാങ്കേതികവിദ്യകളുടെയും സേവനങ്ങളുടെയും സമ്പൂർണ്ണ ശ്രേണി പ്രദർശിപ്പിക്കുമെന് പ്രസ്താവനയിൽ പറയുന്നു.
പ്രദർശനത്തിനും കോൺഫറൻസുകൾക്കുമൊപ്പം സംസ്ഥാനങൾക്ക് അവരവരുടെ ഉത്പനങ്ങളും സംരംഭങ്ങളും പ്രദർശിപ്പിക്കാനുള്ള സെഷനുകളും എക്സ്പോയിൽ ഒരുക്കുന്നതാണെന്നും ഔദ്യോഗിക വാർത്താക്കുറിപ്പിൽ അറിയിച്ചു.
