തൃശൂര്: കൊടുങ്ങല്ലൂര് ശ്രീനാരായണപുരത്ത് ആനയിടഞ്ഞു. പടിഞ്ഞാറെ വെമ്പല്ലൂര് കൂനിയാറ ശ്രീ അന്നപൂര്ണ്ണേശ്വരി ക്ഷേത്രത്തിലാണ് ഉത്സവത്തിനിടെ ഇടഞ്ഞത്.
ചൊവ്വാഴ്ച രാത്രി ഏഴ് മണിയോടെയായിരുന്നു സംഭവം.പുത്തൂര് ഗജേന്ദ്രന് എന്ന കൊമ്പനാണ് ഇടഞ്ഞത്. എഴുന്നള്ളിപ്പിന് ശേഷം ചമയങ്ങള് അഴിക്കവെയാണ് സംഭവം.
ക്ഷേത്രത്തിന് മുന്നിലെ ഉത്സവപ്പന്തല് ആന തകര്ത്തു.ഉടന് തന്നെ പാപ്പാന്മാര് ചേര്ന്ന് ആനയെ ക്ഷേത്രവളപ്പിലുള്ള മരത്തില് തളച്ചു.
