വ്യത്യസ്തമായ രുചികൾ നുണയാൻ അവസരം : ഗൾഫുഡ് പ്രദർശനം ഫെബ്രുവരിയിൽ തുടങ്ങും

ദുബായ്: ലോകത്തിലെ ഏറ്റവും വലിയ ഭക്ഷ്യ-പാനീയ വാണിജ്യ പ്രദർശനമായ ഗൾഫുഡ് പ്രദർശനത്തിന്റെ ഈ വർഷത്തെ പതിപ്പ് ഫെബ്രുവരി 19 മുതൽ ദുബായിൽ ആരംഭിക്കും. ദുബായ് മീഡിയ ഓഫീസാണ് ഇക്കാര്യം അറിയിച്ചത്. ദുബായ് വേൾഡ് ട്രേഡ് സെന്ററിൽ വെച്ചാണ് ഗൾഫുഡ് 2024 സംഘടിപ്പിക്കുന്നത്.

ഇത്തവണത്തെ ഗൾഫുഡ് പ്രദർശനം ഫെബ്രുവരി 23 വരെ നീണ്ട് നിൽക്കുമെന്നും മീഡിയ ഓഫീസ് അറിയിച്ചു. ഇത്തവണത്തെ ഗൾഫുഡ് പ്രദർശനത്തിൽ 127 രാജ്യങ്ങളിൽ നിന്നുള്ള അയ്യായിരത്തിഅഞ്ഞൂറിലധികം പ്രദർശകർ പങ്കെടുക്കുന്നുണ്ട്. ഈ മേള സംബന്ധിച്ച കൂടുതൽ വിവരങ്ങൾ https://www.gulfood.com/ എന്ന വിലാസത്തിൽ ലഭ്യമാണ്.

ആഗോള ഭക്ഷണ പാനീയ വാണിജ്യ മേഖലയിലെ ഏറ്റവും മികച്ച ബ്രാൻഡുകൾ പങ്കെടുക്കുന്ന ഗൾഫുഡ് മേള ഈ മേഖലയിലെ നൂതന പ്രവണതകൾ, അതിവേഗം വികസിച്ചുകൊണ്ടിരിക്കുന്ന ഉപഭോക്തൃ ശീലങ്ങൾ, പരിഹാരങ്ങൾ എന്നിവ ഈ പ്രദർശനത്തിനു അവതരിപ്പിക്കുന്നുണ്ട്.