മലയാള സിനിമയിലെ ബാച്ചിലർമാരിൽ ഒരാൾ കൂടിയാണ് ഇടവേള ബാബു. അടുത്തിടെ ഒരു അഭിമുഖത്തിൽ, താൻ വിവാഹം കഴിക്കാത്തതിനു പിന്നിലെ കാരണം അദ്ദേഹം തുറന്നു പറഞ്ഞിരുന്നു.അഭിനയത്തേക്കാളും അമ്മ സംഘടനയുടെ പ്രവർത്തനങ്ങൾക്ക് പ്രാധാന്യം നൽകുന്ന നടനാണ് ഇടവേള ബാബു. വർഷങ്ങളായി അമ്മയുടെ പ്രവർത്തനങ്ങളിൽ സജീവ സാന്നിധ്യമായി ഇടവേള ബാബു നിൽക്കുന്നു. ഏഴെട്ടു വർഷത്തോളം നീണ്ടൊരു പ്രണയമുണ്ടായിരുന്നുവെന്നും എന്നാൽ വീട്ടുകാർ ആ ബന്ധത്തിനു എതിരായിരുന്നുവെന്നും ഇടവേള ബാബു വളിപ്പെടുത്തുന്നു. ആ പ്രണയം തകർന്നതോടെ ഇനി വിവാഹിതനാവുന്നില്ലെന്ന് താൻ തീരുമാനിച്ചെന്നും ബാബു കൂട്ടിച്ചേർത്തു.
കുടുംബത്തില്‍ നിന്ന് തന്നെയുള്ള കുട്ടിയായിരുന്നു അത്. എനിക്ക് കല്യാണങ്ങളൊന്നും നടക്കാതെ വന്നപ്പോള്‍ “ഞാൻ മതിയോ? എനിക്ക് ബാബു ചേട്ടനെ ഇഷ്ടമാണ്” എന്നവൾ പറഞ്ഞു. വിവാഹം കഴിക്കാന്‍ താല്‍പര്യമുണ്ടെന്നും പറഞ്ഞു. മറുപടി പെട്ടെന്ന് പറയാന്‍ പറ്റില്ലെന്നു ഞാൻ പറഞ്ഞു. ആലോചിച്ചപ്പോൾ അതു നല്ലതാണെന്നു തോന്നി, ആറു മാസത്തിന് ശേഷം ഞാന്‍ മറുപടി കൊടുത്തു. അവിടെ നിന്നുമാണ് പ്രണയം വലുതാകുന്നത്. ഏകദേശം എട്ടരവര്‍ഷത്തോളം ഞങ്ങൾ പ്രണയിച്ചിരുന്നു. പക്ഷേ, ഞങ്ങളുടെ രണ്ടുപേരുടെയും കുടുംബങ്ങൾക്കു പ്രശ്നമായി. രണ്ടു കുടുംബങ്ങളും രണ്ട് തട്ടിലുള്ളവരായിരുന്നു. അതൊരു കുഴപ്പമായി അച്ഛനു തോന്നികാണണം.”
“ആ കുട്ടിയെ വിളിച്ച് കൊണ്ട് വരികയാണെങ്കില്‍ വീട്ടിലേക്ക് മാത്രമേ വരികയുള്ളു എന്നു ഞാൻ പറഞ്ഞു, പക്ഷേ അച്ഛന്റെ തീരുമാനം ഉറച്ചതായിരുന്ു. വെന്ന് ഞാന്‍ പറഞ്ഞെങ്കിലും അച്ഛന്റെ തീരുമാനം ശക്തമായിരുന്നു. അവിടെ വച്ച് എനിക്ക് വിവാഹം വേണ്ടെന്നു ഞാൻ തീരുമാനിച്ചു. അനിയത്തിപ്രാവിന്റെ ക്ലൈമാക്സ് എന്റെ ജീവിതത്തിൽ വർഷങ്ങൾക്കു മുൻപെ സംഭവിച്ചതാണ്,” കാൻ ചാനൽ മീഡിയയ്‌ക്ക് നല്‍കിയ അഭിമുഖത്തിൽ ഇടവേള ബാബു പറഞ്ഞു.
