തിരുവനന്തപുരം : രഞ്ജി ട്രോഫി ക്രിക്കറ്റില്‍ കേരളത്തിനെതിരെ മുംബയ് രണ്ടാം ഇന്നിംഗ്‌സില്‍ 319 റണ്‍സിന് പുറത്ത്. ജലജ് സക്‌സേനയും ശ്രേയസ് ഗോപാലും നാല് വീതം വിക്കറ്റുകള്‍ വീഴ്‌ത്തി.
ആദ്യ ഇന്നിംഗ്‌സില്‍ ഏഴ് റണ്‍സ് ലീഡ് വഴങ്ങിയ കേരളത്തിന് 90 ഓവറില്‍ ജയിക്കാന്‍ 327 റണ്‍സെടുക്കണം.മൂന്നാം ദിനം കളി നിര്‍ത്തുമ്പോള്‍ 6 ഓവറില്‍ വിക്കറ്റ് നഷ്ടപ്പെടാതെ 24 റണ്‍സെന്ന നിലയിലാണ് കേരളം.രോഹന്‍ കുന്നുമ്മലും (12) ജലജ് സക്‌സേനയുമാണ് (12) ക്രീസില്‍. അവസാന ദിവസം 10 വിക്കറ്റ് ശേഷിക്കെ കേരളത്തിന് ജയിക്കാന്‍ 303 റണ്‍സ് കൂടി എടുക്കേണ്ടതുണ്ട്.
മൂന്നാംദിനം വിക്കറ്റ് നഷ്ടമില്ലാതെ 105റണ്‍സ് എന്ന നിലയില്‍ കളി പുനരാരംഭിച്ച മുംബയ്‌ക്ക് ഓപ്പണര്‍മാരുടെ വിക്കറ്റുകളാണ് ആദ്യം നഷ്ടമായത്. ഒന്നാം വിക്കറ്റില്‍ 148 റണ്‍സ് ചേര്‍ത്ത ശേഷം ജെയ് ബിസ്ത ആദ്യം പുറത്തായി. 100 പന്തില്‍ 73 റണ്‍സ് നേടിയ ബിസ്തയെ എം.ഡി.നിധീഷിന്റെ പന്തില്‍ വിക്കറ്റ് കീപ്പര്‍ സഞ്ജു സാംസണ്‍ പിടിച്ച് പുറത്താക്കുകയായിരുന്നു.
