ന്യൂദല്‍ഹി : ഉത്തരേന്ത്യയില്‍ കനത്ത മൂടല്‍മഞ്ഞും തണുത്ത കാലാവസ്ഥയും തുടരുന്നു.കാഴ്ച പരിധി കുറഞ്ഞതിനെ തുടര്‍ന്ന് റെയില്‍, വ്യോമ ഗതാഗതം തടസപ്പെട്ടു.
രാജ്യത്തിന്റെ വിവിധ ഭാഗങ്ങളില്‍ നിന്ന് ദല്‍ഹിയിലേക്കുള്ള 11 ട്രെയിനുകള്‍ വൈകിയാണ് ഓടുന്നത്. വിമാന സര്‍വീസുകളും വൈകി.
ദല്‍ഹി, ഹരിയാന, പഞ്ചാബ്, രാജസ്ഥാന്‍, ഉത്തര്‍പ്രദേശ്, പശ്ചിമ മധ്യപ്രദേശ്, ബിഹാര്‍ എന്നിവിടങ്ങളിലെ ഒറ്റപ്പെട്ട പ്രദേശങ്ങളില്‍ കനത്ത മൂടല്‍മഞ്ഞ് ഉണ്ട്.
അടുത്ത രണ്ട് ദിവസങ്ങളില്‍ ഉത്തരേന്ത്യയില്‍ ശക്തമായ മൂടല്‍മഞ്ഞ് തുടരാന്‍ സാധ്യതയുണ്ടെന്നാണ് കേന്ദ്രകാലാവസ്ഥ വകുപ്പ് പ്രവചനം.
