മലപ്പുറം : രണ്ടര വയസുകാരിയെ കിണറ്റില് മരിച്ച നിലയില് കണ്ടെത്തിയ സംഭവത്തില് മാതാവിനെതിരെ കൊലക്കുറ്റത്തിന് കേസെടുത്തു. വന്നേരി സ്വദേശിനി ഹസീനക്കെതിരെയാണ് പെരുമ്പടപ്പ് പൊലീസ് കേസെടുത്തത്.
ഹസീനയെയും മകള് ഇശ മെഹറിനെയും ചെവ്വാഴ്ച രാവിലെയാണ് കിണറ്റില് കണ്ടെത്തിയത്.
കഴിഞ്ഞ രാത്രി ഉറങ്ങാന് കിടന്ന ഹസീനയെയും മകള് ഇശ മെഹറിനെയും രാവിലെ കാണാത്തതിനെ തുടര്ന്ന് ഭര്തൃ വീട്ടുകാര് നടത്തിയ തിരച്ചിലിലാണ് കിണറ്റില് കണ്ടെത്തിയത്. അഗ്നിശമന സേന ഇരുവരെയും പുറത്തെടുത്ത് ആശുപത്രിയില് എത്തിച്ചെങ്കിലും ഇശ മെഹ്റിനെ രക്ഷിക്കാനായില്ല.
ഹസീനയെ ഗുരുതര പരുക്കുകളോടെ വളാഞ്ചേരി നടക്കാവിലെ സ്വകാര്യ ആശുപത്രിയില് പ്രവേശിപ്പിച്ചു. ഹസീനയുടെ ഭര്ത്താവ് റഫീഖ് വിദേശത്താണ്. അഞ്ചുവര്ഷം മുമ്പായിരുന്നു ഇവരുടെ വിവാഹം.
