വിമാനം വന്നെന്നും വിമാനത്തില് കയറാമെന്നും പറഞ്ഞ് കൊണ്ടുപോയ തന്നെയും മറ്റ് യാത്രക്കാരെയും വിമാനക്കമ്പനി എയ് റോബ്രിഡ്ജില് പൂട്ടിയിട്ടെന്ന വിമാനക്കമ്പനിക്കെതിരായ പരാതിയുമായി ബോളിവുഡ് നടി രാധിക ആപ്തെ.
പക്ഷെ ഏത് വിമാനത്താവളമാണെന്നോ ഏത് വിമാനക്കമ്പനിയാണെന്നോ പറയാതെയാണ് രാധികാ ആപ്തെ സമൂഹമാധ്യമത്തില് ആദ്യം ഈ വിവരം പങ്കുവെച്ചത്. പിന്നീട് സംഭവം നടന്നത് മുംബൈ വിമാനത്താവളത്തിലാണെന്നും വിമാനക്കമ്പനി ഇന്ഡിഗോ ആണെന്നും വാര്ത്ത വന്നു. ഒപ്പം എയ്റോ ബ്രിഡ്ജില് ഇരിക്കുന്ന രാധിക ആപ്തെയുടെയും കൂട്ടുകാരിയുടെയും ചിത്രവും പങ്കുവെച്ചിട്ടുണ്ട്.
ഇതോടെ ഈ പോസ്റ്റ് സമൂഹമാധ്യമങ്ങളില് വൈറലായി. കുട്ടികളും സ്ത്രീകളും ഉള്പ്പെടെയുള്ള യാത്രക്കാരെ എയ്റോ ബ്രിഡ്ജില് പൂട്ടിയിട്ട കമ്പനി വെള്ളം പോലും നല്കിയില്ലെന്നും രാധികാ ആപ്തെ പരാതിപ്പെടുന്നു.
