മ്യൂണിക്: ജര്‍മ്മന്‍ ഫുട്ബാള്‍ ഇതിഹാസം ഫ്രാന്‍സ് ബെക്കന്‍ ബോവര്‍(78) അന്തരിച്ചു. കളിക്കാരനായും പരിശീലകനായും ജര്‍മനിക്ക് ലോകകപ്പ് ഫുട്‌ബോള്‍ കിരീടം സമ്മാനിച്ചെന്ന പ്രത്യേകതയുമുണ്ട്.
1945 സെപ്റ്റംബര്‍ 11നു ജര്‍മ്മനിയിലെ മ്യൂണിക്കിലാണ് ബക്കന്‍ ബോവര്‍ ജനിച്ചത്. കരിയറിന്റെ തുടക്കത്തില്‍ മധ്യനിരയിലാണ് കളിച്ചിരുന്നത്.എന്നാല്‍ പിന്നീട് ബെക്കന്‍ ബോവര്‍ പ്രതിരോധനിരയിലാണ് തിളങ്ങിയത്.
രണ്ടുതവണ യൂറോപ്യന്‍ ഫുട്‌ബോളര്‍ ആയി തിരഞ്ഞെടുക്കപ്പെട്ട ബെക്കന്‍ ബോവര്‍ പശ്ചിമ ജര്‍മ്മനിക്കായി 103 മത്സരങ്ങള്‍ കളിച്ചിട്ടുണ്ട്.1974ല്‍ ക്യാപ്റ്റനായും 1990ല്‍ പരിശീലകനായും ജര്‍മനിക്ക് ലോകകപ്പ് കിരീടം സമ്മനിച്ചു.
