മഞ്ചേരി: 47-ാമത് കേരള സംസ്ഥാന ജൂനിയര് പുരുഷ-ജൂനിയര് ബാസ്ക്കറ്റ് ബോള് ചാമ്പ്യന്ഷിപ്പിനായുള്ള ക്വാര്ട്ടര് ഫൈനല് മത്സരങ്ങല് ഇന്ന്. പുരുഷ വിഭാഗത്തില് കോട്ടയം, തൃശൂര്, എറണാകുളം, കോഴിക്കോട്, മലപ്പുറം, കാസര്കോട്, തിരുവനന്തപുരം ടീമുകളും വനിതകളില് കോഴിക്കോട്, കോട്ടയം, തിരുവനന്തപുരം, തൃശൂര്, എറണാകുളം, കൊല്ലം, കണ്ണൂര്, ആലപ്പുഴ ടീമുകളും ക്വാര്ട്ടര് ഫൈനല് ഉറപ്പിച്ചു.
ലീഗ് മത്സരങ്ങളില് നിലവിലെ ചാമ്പ്യന്മാരായ കോഴിക്കോടിന് തിരിച്ചടിയേറ്റു. കോട്ടയത്തോട് (33-55) തോല്ക്കുകയും വൈകുന്നേരം തിരുവനന്തപുരത്തോട് (40-53) തോറ്റ് ഗ്രൂപ്പ് എയില് മൂന്നാം സ്ഥാനത്തെത്തി. ഗ്രൂപ്പ് എയില് അപരാജിത കുതിപ്പ് തുടര്ന്ന കോട്ടയം പത്തനംതിട്ടയെ (36-12) പരാജയപ്പെടുത്തി ഗ്രൂപ്പ് എയില് നിന്ന് ഒന്നാം സ്ഥാനത്തെത്തി.
വനിതകളിലെ മറ്റ് ലീഗ് മത്സരങ്ങളില് തൃശൂര്- മലപ്പുറത്തെ(69-23 )യും എറണാകുളം- കൊല്ലത്തെ(68-44)യും പരാജയപ്പെടുത്തി. മറ്റൊരു മത്സരത്തില് വയനാട് പാലക്കാടിനെ(46-30) തോല്പ്പിച്ചു. കാസര്കോട് ഇടുക്കിയെ(38-28) തോല്പിച്ചു. തിരുവനന്തപുരം കോഴിക്കോടിനെ(53-40) തോല്പിച്ചു.
പുരുഷന്മാരില് എറണാകുളവും കോട്ടയവും അപരാജിത ജയം തുടരുന്നു. എറണാകുളം മലപ്പുറത്തിനെ (71-60) തോല്പിച്ചു. വൈകുന്നേരം പത്തനംതിട്ടയെ (58-46)പരാജയപ്പെടുത്തി ഗ്രൂപ്പ് ബിയില് ഒന്നാം സ്ഥാനത്തെത്തി. നിലവിലെ ചാമ്പ്യന്മാരായ കോട്ടയം ഗ്രൂപ്പ് എയില് ആലപ്പുഴയെ പരാജയപ്പെടുത്തി തങ്ങളുടെ രണ്ടാം ജയം നേടി. തൃശൂര് ഇടുക്കിയെ തോല്പ്പിച്ച് (70-39) അതേ ഗ്രൂപ്പിലെ തങ്ങളുടെ രണ്ടാം ജയം സ്വന്തമാക്കി. കോട്ടയവും തൃശ്ശൂരും തമ്മിലുള്ള മത്സരം എ ഗ്രൂപ്പിലെ ടോപ്പറിനെ തീരുമാനിക്കും.
മറ്റു ലീഗ് മത്സരങ്ങളില് തിരുവനന്തപുരം വയനാടിനെ (42-27), കൊല്ലം കണ്ണൂരിനെയും(61-44) കോഴിക്കോട് പത്തനംതിട്ടയെയും (48-16) കാസര്കോട് കണ്ണൂരിനെയും (73-52) തോല്പിച്ചു.
