ശബരിമല: ശബരിമല പാണ്ടിത്താവളത്ത് ട്രാക്ടര് മറിഞ്ഞുണ്ടായ അപകടത്തില് മൂന്നുപേര്ക്ക് പരിക്കേറ്റു. പാണ്ടി താവളത്തിന് സമീപമുള്ള മാഗുംണ്ട അയ്യപ്പ നിലയത്തിന് മുന്പില് രാവിലെ ഒന്പത് മണിയോടെയായിരുന്നു അപകടം.
ദേവസ്വം ബോര്ഡ് താത്ക്കാലിക ജീവനക്കാരായ മൂന്ന് പേര്ക്കാണ് പരിക്കേറ്റത്. അരി കയറ്റി വന്ന ട്രാക്ടര് നിയന്ത്രണം വിട്ട് മറിയുകയായിരുന്നു. അപകടം കണ്ട് ഓടിയെത്തിയ പോലീസും മറ്റ് തീര്ത്ഥാടകരും ചേര്ന്ന് അരിച്ചാക്കുകള്ക്ക് ഇടയില് പെട്ടുപോയ മൂന്നു പേരെയും രക്ഷപ്പെടുത്തുകയായിരുന്നു. പരിക്കേറ്റ മൂവരെയും സന്നിധാനം ഗവണ്മെന്റ് ആശുപത്രിയില് പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്ന് ആശുപത്രി അധികൃതര് പറഞ്ഞു.
