തിരുവനന്തപുരം : മുഖ്യമന്ത്രി പിണറായി വിജയന് കൊലയാളി മനസ്സാണ്. പിണറായി വിജയനെ നിലയ്ക്ക് നിര്‍ത്താന്‍ സിപിഎമ്മില്‍ ആളില്ല. കരിങ്കൊടി കാണിക്കാന്‍ പോലും കേരളത്തില്‍ പറ്റുന്നില്ല. മുഖ്യമന്ത്രി ഉമ്മാക്കി കാണിച്ച് പേടിപ്പിക്കാന്‍ ശ്രമിക്കുകയാണെന്ന് കെപിസിസി പ്രസിഡന്റ് കെ. സുധാകരന്‍.
ക്രൂരതയുടെ പര്യായമാണ് മുഖ്യമന്ത്രി. ഇവിടെ നിയമവാഴ്ച ഉണ്ടോ, 2024 പിണറായിക്ക് ഉറക്കമില്ലാത്ത നാളുകളാകും. നവകേരള സദസ്സിലെ പോലീസ് നടപടിയില്‍ ജുഡീഷ്യല്‍ അന്വേഷണം ആവശ്യപ്പെട്ട് കോടതിയെ സമീപിക്കും. സര്‍ക്കാരിനെതിരായ കോണ്‍ഗ്രസ് പ്രതിഷേധ സമരം ബ്ലോക്ക് തലത്തിലേക്കു വ്യാപിപ്പിക്കും.
സംസ്ഥാനത്ത് നിലവില്‍ രണ്ട് ഡിജിപിമാരാണുള്ളത്. പി. ശശി ആക്ടിങ് ഡിജിപിയാണെന്നും സുധാകരന്‍ പരിഹസിച്ചു. നവകേരള സദസ്സിനിടെയുണ്ടായ അക്രമ സംഭവങ്ങള്‍ക്കെതിരെ ജുഡീഷ്യല്‍ അന്വേഷണം ആവശ്യപ്പെട്ട് കോടതിയെ സമീപിക്കുമെന്നും കെ. സുധാകരന്‍ കൂട്ടിച്ചേര്‍ത്തു.
