തിരുവനന്തപുരം : ഡിജിപിയുടെ വീട്ടിലേക്ക് മഹിളാ മോര്‍ച്ച പ്രതിഷേധം നടത്തിയതിന് പിന്നാലെ മൂന്ന് പോലീസുകാരെ സസ്‌പെന്‍ഡ് ചെയ്തു. മഹിളാ മോര്‍ച്ച പ്രതിഷേധം നടത്തിയപ്പോള്‍ വീട്ടില്‍ ഗാര്‍ഡ് ഡ്യൂട്ടിയിലുണ്ടായിരുന്നത് ഈ പോലീസുകാരാണ്. സുരക്ഷാ വീഴ്ച സംഭവിച്ചെന്ന് ആരോപിച്ചാണ് ഇവരെ സസ്‌പെന്‍ഡ് ചെയ്തത്.
ആര്‍ആര്‍ആര്‍എഫിലെ പോലീസുകാരായ മുരളീധരരന്‍ നായര്‍, മുഹമ്മദ് ഷെബിന്‍, സജിന്‍ എന്നിവരെയാണ് സസ്‌പെന്‍ഡ് ചെയ്തത്. പ്രതിഷേധത്തിനിടെ ഉന്നത ഉദ്യോഗസ്ഥരുടെ ആരുടേയും അനുമതി വാങ്ങാതെ ഗേറ്റ് തുറന്നെന്നും ഇത് പോലീസിന്റെ പേരിന് കളങ്കമുണ്ടാക്കിയെന്നും സസ്‌പെന്‍ഷന്‍ ഉത്തരവില്‍ പറയുന്നത്.
പ്രതിഷേധിച്ച മാധ്യമ പ്രവര്‍ത്തകരെ മാറ്റാനും പോലീസുകാര്‍ സമയമെടുത്തിരുന്നു. വനിതാ പോലീസുകാര്‍ ഇല്ലാത്തതിനാല്‍ അവര്‍ എത്തുന്നത് വരെ മഹിളാമോര്‍ച്ച പ്രതിഷേധിച്ചു. പിന്നീട് വനിതാ പോലീസുകാരെത്തിയാണ് ഇവരെ പിടികൂടിയത്.
