മുംബൈ: ഐഎസ്എല് ഫുട്ബോളില് മുംബൈ സിറ്റിക്ക് വിജയം. ഇന്നലെ നടന്ന മത്സരത്തില് ഭൂരിഭാഗം സമയവും പത്തുപേരുമായി കളിക്കേണ്ടി വന്നിട്ടും മുംബൈ സിറ്റി ഒന്നിനെതിരെ രണ്ട് ഗോളുകള്ക്ക് കൊല്ക്കത്ത സൂപ്പര് ജയന്റ്സിനെ കീഴടക്കി. 13-ാം മിനിറ്റില് അവരുടെ ആകാശ് മിശ്രയാണ് ചുവപ്പുകാര്ഡ് കിട്ടി പുറത്തുപോയത്. പിന്നീട് 88-ാം മിനിറ്റില് ഗ്രെഗ് സ്റ്റുവര്ട്ട് രണ്ടാം മഞ്ഞക്കാര്ഡും പിന്നാലെ മാച്ചിങ് ഓര്ഡറും ലഭിച്ച് പുറത്തുപോയതോടെ മുംബൈ ഒന്പത് പേരായി ചുരുങ്ങി. ഫൗളുകളുടെ അതിപ്രസരം കണ്ട പോരാട്ടത്തില് മുംബൈയുടെ രണ്ട് താരങ്ങളും ചുവപ്പുകാര്ഡ് കണ്ട് പുറത്തുപോയി. 54-ാം മിനിറ്റില് ആശിഷ് റായ്യും 57-ാം മിനിറ്റില് ലിസ്റ്റണ് കൊളാസോയുമാണ് ചുവപ്പുകാര്ഡ് കണ്ട് പുറത്തുപോയത്.
കളിയില് മോഹന്ബഗാനായി 25-ാം മിനിറ്റില് ജാസണ് കുമ്മിങ്സ് ആദ്യ ഗോളടിച്ചു. എന്നാല് ശക്തമായി പൊരുതിയ മുംബൈ സിറ്റിക്കായി 44-ാം മിനിറ്റില് ഗ്രെഗ് സ്റ്റുവര്ട്ടും 73-ാം മിനിറ്റില് ബിപിന് സിങ്ങും ലക്ഷ്യം കണ്ടതോടെ വിജയം മുംബൈയ്ക്ക് സ്വന്തമായി.
വിജയത്തോടെ മുംബൈ സിറ്റി 9 കളികളില് നിന്ന് 19 പോയിന്റുമായി നാലാം സ്ഥാനത്തേക്കുയര്ന്നു. തോറ്റെങ്കിലും 19 പോയിന്റുമായി മോഹന്ബഗാന് മൂന്നാം സ്ഥാനത്ത് തുടരുന്നു.
ഇന്ന് നടക്കുന്ന മത്സരത്തില് ജംഷഡ്പൂര് എഫ്സി ഒഡീഷ എഫ്സിയെ നേരിടും. സീസണിലെ രണ്ടാം ജയം ലക്ഷ്യമിട്ടാണ് ജംഷഡ്പൂര് എഫ്സി ഇന്ന് സ്വന്തം മൈതാനത്ത് കളിക്കാനിറങ്ങുന്നത്. മറിച്ച് ഒഡീഷ ജയിച്ചാല് അവര്ക്ക് പോയിന്റ് പട്ടികയില് മുന്നേറാം.
