തൃശൂർ: ഫേസ്ബുക്കിൽ അപകീർത്തിപരമായ പോസ്റ്റിട്ട സംഭവത്തിൽ പരാതിക്കാരന് 10 ലക്ഷം രൂപ നഷ്ടപരിഹാരം നൽകാൻ ഉത്തരവിട്ട് കോടതി. തൃശ്യൂർ സ്വദേശിയും സൈക്കോളജിസ്റ്റുമായ പ്രസാദ് എംകെയുടെ പരാതിയിന്മേലാണ് വിധി. തൃശൂർ അഡീഷണൽ സബ് കോടതിയാണണ് ഉത്തരവിട്ടിരിക്കുന്നത്.
പ്രസാദിനെ അപകീർത്തിപ്പെടുത്തുന്ന തരത്തിൽ കോട്ടയം സ്വദേശി ഷെറിൻ വി ജോർജ് പോസ്റ്റിട്ടിരുന്നു.ഈ കേസിലാണ് നഷ്ടപരിഹാരം നൽകാൻ കോടതി ഉത്തരവിട്ടത്. 2017 ഏപ്രിൽ 26-നാണ് ഷെറിൻ പരാതിക്കാരനായ പ്രസാദിന്റെ സർട്ടിഫിക്കറ്റുകൾ വ്യാജമെന്ന തരത്തിൽ പോസ്റ്റ് പങ്കുവെച്ചത്.
ഇത് തനിക്ക് സമൂഹത്തിൽ തെറ്റായ മതിപ്പുണ്ടാക്കിയെന്നും നിരവധി കക്ഷികളെ നഷ്ടപ്പെട്ടതിലൂടെ സാമ്പത്തിക നഷ്ടം ഉണ്ടായെന്നും പരാതി നൽകി. 10 ലക്ഷം രൂപയും 2017 മുതൽ ആറ് ശതമാനം പലിശയും കോടതി ചിലവും നൽകാനാണ് ഉത്തരവ്.
