ശബരിമല: പതിനായിരക്കണക്കിന് തീര്ത്ഥാടകരെ നിലയ്ക്കല് ബേസ് ക്യാമ്പില് തടഞ്ഞതോടെ വന് പ്രതിഷേധം ഉയര്ത്തി ഭക്തര്.
ഭക്ഷണവും വെള്ളവുമില്ലാതെ മണിക്കൂറുകള് നിലയ്ക്കലില് കാത്ത് നിന്നിട്ടും പമ്പയിലേക്ക് കെഎസ്ആര്ടിസി ബസുകള് സര്വീസ് നടത്താന് പോലീസ് അനുവദിക്കാഞ്ഞതോടെയാണ് ഭക്തര് പ്രതിഷേധവുമായി രംഗത്ത് വന്നത്.
സന്നിധാനത്തെ തിരക്ക് കുറച്ച് കാണിക്കുന്നതിന് വേണ്ടിയാണ് ഭക്തരെ വനത്തിനുള്ളില് വിവിധ ഭാഗങ്ങളില് തടഞ്ഞിട്ട് ബുദ്ധിമുട്ടിക്കുന്നത്. മുമ്പ് ഭക്തരുടെ തിരക്ക് കൂടുന്നതിന് അനുസരിച്ച് കെഎസ്ആര്ടിസി ബസുകള് നിലയ്ക്കലില് നിന്നും പമ്പയിലേക്ക് സര്വീസ് നടത്തുന്നതായിരുന്നു പതിവ്.
ഇക്കുറി പോലീസ് ഇതിന് അനുവദിക്കുന്നില്ലന്നാണ് വിവരം. പതിനായിരക്കണക്കിന് ഭക്തര് പമ്പയിലേക്ക് പോകാന് കാത്ത് നില്ക്കുമ്പോള് നാമമാത്രമാണ് ബസുകള് മാത്രം കടത്തിവിടുള്ളുവെന്ന നിലപാടാണ് പോലീസ് സ്വീകരിക്കുന്നത്. പമ്പയിലേക്ക് പോകാനുള്ള ബസുകള് വരുമ്പോള് വലിയ തിക്കും തിരക്കുമാണ് ഉണ്ടാകുന്നത്. കുട്ടികള് അടക്കം നിരവധി തീര്ത്ഥാടകര്ക്ക് പരിക്കേല്ക്കുമ്പോഴും ഇതെല്ലാം ചെയ്ത പോലീസ് കൈയും കെട്ടി നോല്ക്കി നില്ക്കുകയാണ്.
