ചെറുപുഴ (കണ്ണൂര്‍): എട്ടാം ക്ലാസ് വിദ്യാര്‍ത്ഥിനിയെ പീഡിപ്പിച്ച കേസില്‍ ഡിവൈഎഫ്ഐ നേതാവ് റിമാന്റില്‍. മാത്തില്‍ ആലപടമ്പ പൂവത്തിന്‍കീഴിലെ സിപിഎം ലോക്കല്‍ കമ്മിറ്റി അംഗമായ ബാബുവിന്റെ മകനും ഡിവൈഎഫ്ഐ യൂണിറ്റ് സെക്രട്ടറിയുമായ അക്ഷയ് ബാബുവിനെയാണ് ഞായറാഴ്‌ച്ച രാവിലെ പോലീസ് അറസ്റ്റ് ചെയ്തത്.
സിപിഎം സമ്മര്‍ദത്തില്‍ പെരിങ്ങോം പോലീസ് അറസ്റ്റ് വിവരം മാധ്യമങ്ങള്‍ക്ക് നല്‍കാതെ രഹസ്യമാക്കിവെക്കുകയായിരുന്നു. പെരിങ്ങോം പോലീസ് സ്റ്റേഷനിലെത്തി വിവരം തിരക്കിയ മാധ്യമപ്രവര്‍ത്തകരോട് അത്തരത്തിലുള്ള സംഭവമേ ഇല്ല എന്ന നിലയിലാണ് പ്രതികരിച്ചത്. കൂടുതല്‍ അന്വേഷിച്ചപ്പോള്‍ പോക്‌സോ കേസാണെന്നും വാര്‍ത്ത പുറത്തു വിടാന്‍ സാധിക്കില്ലെന്നും പോലീസ് പറഞ്ഞു. പിന്നീട് പയ്യന്നൂര്‍ കോടതിയില്‍ ഹാജരാക്കി പ്രതിയെ റിമാന്റ് ചെയ്ത ശേഷമാണ് അറസ്റ്റ് വിവരം പുറത്തറിഞ്ഞത്.
