കഴിഞ്ഞ ഏതാനും നാളുകളായി ബച്ചന്‍ കുടുംബത്തെ ചുറ്റിപ്പറ്റിയുള്ള വാര്‍ത്തകളാണ് ബോളിവുഡില്‍ നിന്ന് വരുന്നത്. ബച്ചന്‍ കുടുംബവുമായി ഐശ്വര്യയ്‌ക്ക് ചെറിയ അസ്വാരസ്യങ്ങള്‍ ഉണ്ടെന്നും അഭിഷേകുമായി താരം പിരിയാന്‍ ഒരുങ്ങുന്നു എന്നുമാണ് അടുത്തിടെ പരക്കുന്ന വാര്‍ത്തകള്‍. അമിതാഭ് ബച്ചന്‍ ഐശ്വര്യ റായിയെ ഇന്‍സ്റ്റാഗ്രാമില്‍ അണ്‍ഫോളോ ചെയ്‌തെന്ന വാര്‍ത്തയാണ് ഇപ്പോള്‍ ചര്‍ച്ചാവിഷയം.
ഐശ്വര്യയും അമിതാഭും സോഷ്യല്‍ മീഡിയയില്‍ പരസ്പരം അണ്‍ഫോളോ ചെയ്തിരിക്കുന്നുവെന്നാണ് പോസ്റ്റ് പറയുന്നത്. അതേസമയം ചിലര്‍ പറയുന്നത് ഐശ്വര്യയും അമിതാഭ് ബച്ചനും മുമ്പും സോഷ്യല്‍ മീഡിയയില്‍ പരസ്പരം ഫോളോ ചെയ്യുന്നുണ്ടായിരുന്നില്ല എന്നാണ്. ചിലപ്പോള്‍ തങ്ങള്‍ ആരെയൊക്കെ ഫോളോ ചെയ്യുന്നു എന്നത് ഇരുവരും പ്രൈവറ്റാക്കി വച്ചിരിക്കുന്നതിനാല്‍ ആകാമെന്ന സംശയും ചിലര്‍ മുന്നോട്ട് വെക്കുന്നുണ്ട്. ബച്ചന്‍ കുടുംബവും ഐശ്വര്യയും തമ്മിലുള്ള ഭിന്നതയുടെ റിപ്പോര്‍ട്ടുകള്‍ പുറത്തു വരുന്നതിനിടെ ഈ വാര്‍ത്തയും പുറത്തു വന്നതോടെ ആരാധകര്‍ ആശങ്കയിലാണ്.
കുറച്ച് ദിവസം മുമ്പ് നടന്നൊരു പരിപാടിയില്‍ അഭിഷേക് വിവാഹ മോതിരം ധരിക്കാതിരുന്നതും ചര്‍ച്ചകള്‍ക്ക് വഴിവച്ചു. പിന്നാലെ ഇരുവരും സോഷ്യല്‍ മീഡിയയില്‍ അണ്‍ഫോളോ ചെയ്തതായും വാര്‍ത്തകള്‍ വരികയും അതിനു പിന്നാലെയാണ് ഇരുവരും വീണ്ടും ഒരുവേദിയില്‍ എത്തിയതും സോഷ്യല്‍ മീഡിയയെ ഞെട്ടിച്ചു.
അമിതാഭ് ബച്ചന്റെ മകള്‍ ശ്വേത നന്ദയുടെ മകന്‍ അ?ഗസ്ത്യ നന്ദ ആദ്യമായി അഭിനയിക്കുന്ന ആര്‍ച്ചീസ് എന്ന ചിത്രത്തില്‍ സ്‌പെഷ്യല്‍ പ്രിമിയറിനായാണ് ബച്ചന്‍ കുടുംബം ഒന്നിച്ച് എത്തിയത്. ഐശ്വര്യ റായിയും മകള്‍ ആരാധ്യ ബച്ചനും അഭിഷേകിനൊപ്പമാണ് എത്തിയത്. മൂന്നുപേരും ഒന്നിച്ച് ഫോട്ടോയ്‌ക്ക് പോസ് ചെയ്യുകയും ചെയ്തു. കൂടാതെ അമിതാഭ് ബച്ചനും കുടുംബത്തിനുമൊപ്പവും ഐശ്വര്യ ഫോട്ടോ എടുത്തു. അമിതാഭ് ബച്ചന്‍, ജയ ബച്ചന്‍, ശ്വേത നന്ദ, നവ്യ നവേലി എന്നിവരും പ്രിമിയറില്‍ എത്തിയിരുന്നു.
