തിരുവനന്തപുരം: മെഡിക്കല് കോളേജിലെ പി ജി വിദ്യാര്ത്ഥിനി ഡോ ഷഹനയുടെ ആത്മഹത്യയില് പ്രതിശ്രുത വരന് 14 ദിവസത്തേഡോ.റുവൈസിനെ കോടതി റിമാന്ഡ് ചെയ്തു.ക്കാണ് റിമാന്ഡ് ചെയ്തത്.
ഡോ.ഷഹനയെ സ്ത്രീധനം ആവശ്യപ്പെട്ട് മാനസികമായി ബുദ്ധിമുട്ടിച്ചെന്നാണ് റിമാന്ഡ് റിപ്പോര്ട്ട്. ഇതാണ് ഷഹനയുടെ മരണത്തിന് ഇടയാക്കിയത്.
ആത്മഹത്യാക്കുറിപ്പില് ഡോ റുവൈസിന്റെ പേര് ഉണ്ടെന്ന് റിമാന്ഡ് റിപ്പോര്ട്ടില് പറയുന്നു.വ്യാഴാഴ്ച രാവിലെ കരുനാഗപ്പളളിയിലെ വീട്ടില് നിന്ന് അറസ്റ്റ് ചെയ്ത പ്രതിയെ വൈകിട്ടോടെയാണ് കോടതിയില് ഹാജരാക്കിയത്.ആത്മഹത്യാപ്രേരണ, സ്ത്രീധന നിരോധന നിയമം അടക്കമുള്ള വകുപ്പുകളാണ് ഇയാള്ക്കെതിരെ ചുമത്തിയിരിക്കുന്നത്.
സ്ത്രീധനമോഹം കാരണം ഇന്നെന്റെ ജീവിതം അവസാനിക്കുന്നുവെന്നും വിവാഹ വാഗ്ദാനം നല്കി എന്റെ ജീവിതം നശിപ്പിക്കുക എന്നതായിരുന്നു അവന്റെ ലക്ഷ്യമെന്നും ആത്മഹത്യാ കുറിപ്പിലുണ്ട്. ഒന്നരക്കിലോ സ്വര്ണവും ഏക്കര് കണക്കിന് ഭൂമിയും കൊടുക്കാനില്ല.ഇത്രയും സ്ത്രീധനം ഇയാളുടെ സഹോദരിക്ക് വേണ്ടിയോ എന്നും ആത്മഹത്യാ കുറിപ്പിലുണ്ട്.
