ന്യൂദല്ഹി: സംസ്ഥാനങ്ങളില് നടന്ന തെരഞ്ഞെടുപ്പുകളില് ഞായറാഴ്ച ഫലപ്രഖ്യാപനം വന്ന നാലു സംസ്ഥാനങ്ങളില് മൂന്നെണ്ണം ബിജെപി തൂത്തുവാരിയതിനു പിന്നാലെ പ്രധാനമന്ത്രി നരേന്ദ്രമോദിക്ക് ആഗോള മാധ്യമങ്ങളുടെ പ്രശംസ. അടുത്ത വര്ഷത്തെ ലോക്സഭാ തെരഞ്ഞെടുപ്പിന് മുന്നോടിയായുള്ള ഫലങ്ങള് സുപ്രധാനമായ ഒരു കാഴ്ചപ്പാടാണ് ജനങ്ങള്ക്ക് നല്ക്കുന്നത്.
നരേന്ദ്രമോദിയുടെ ദീഘവീക്ഷണത്തിന്റെയും ബിജെപി സര്ക്കാരിന്റെ അശ്രാന്തപരിശ്രമത്തിന്റെയും ഭാഗമാണ് ഈ വിജയം. പുതുവിജയം പ്രധാനമന്ത്രി എന്ന നിലയ്ക്ക് മോദിയുടെ അംഗീകാരം വര്ധിപ്പിച്ചെന്നും മാധ്യമങ്ങള് കുറിച്ചു. മധ്യപ്രദേശ്, ഛത്തീസ്ഗഢ്, രാജസ്ഥാന് എന്നിവിടങ്ങളില് ബിജെപിയുടെ തകര്പ്പന് വോട്ടെടുപ്പ് വിജയങ്ങളെ അഭിനന്ദിച്ച് പ്രമുഖ യുഎസ് ദിനപത്രമായ വാഷിംഗ്ടണ് പോസ്റ്റ് വിശദമായ വാര്ത്തയാണ് പ്രസിദ്ധീകരിച്ചത്.
പ്രധാനമന്ത്രി മോദിയുടെ ഹാട്രിക് തെരഞ്ഞെടുപ്പ് വിജയം കുറിക്കുന്ന ലോക്സഭ തെരഞ്ഞെടുപ്പാണ് വരാന് പോകുന്നതെന്നും. ബിജെപി സര്ക്കാര് ശക്തമായി തന്നെ തിരിച്ചുവരുമെന്നും റിപ്പോര്ട്ടുകള് പറയുന്നു. മൂന്ന് സംസ്ഥാനങ്ങളിലെ ബിജെപിയുടെ വിജയത്തെ ‘ചരിത്രപരവും അഭൂതപൂര്വവും’ എന്നാണ് അല് ജസീറ വിശേഷിപ്പിച്ചത്.
അടുത്ത വര്ഷം പൊതുതിരഞ്ഞെടുപ്പിന് മുന്നോടിയായുള്ള പ്രധാനമന്ത്രി മോദിയുടെ ‘വലിയ ഉത്തേജനം’ എന്നാണ് വോട്ടെടുപ്പ് വിജയങ്ങളെ യുകെ ആസ്ഥാനമായുള്ള വാര്ത്താ ഏജന്സിയായ റോയിട്ടേഴ്സ് വിശേഷിപ്പിച്ചത്. കഴിഞ്ഞ ദിവസം വന്ന ഫലങ്ങള് വോട്ടമാരുടെ മൂഡിനെയാണ് സൂചിപ്പിക്കുന്നത്. ചില എക്സിറ്റ് പോള് സര്വേകളെ പോലും മറികടന്നാണ് ബിജെപി വിജയം കൊയ്തത് എന്നത് ശ്രദ്ധേയമായിരുന്നു.
