ലണ്ടന്: യുവേഫ ചാമ്പ്യന്സ് ലീഗ് ഫുട്ബോളില് കരുത്തരായ ഫ്രഞ്ച് ടീം ലെന്സിനെതിരെ ആഴ്സണലിന് തകര്പ്പന് ജയം. ഇന്നലെ നടന്ന ഗ്രൂപ്പ് ഘട്ട മത്സരങ്ങളിലെ അഞ്ചാം പോ
രാട്ടത്തില് ലെന്സിനെ തകര്ത്തത് എതിരില്ലാത്ത ആറ് ഗോളുകള്ക്ക്. ലീഗ് റൗണ്ടില് തോല്വി അറിയാത്ത ആഴ്സണലിന് ഇതോടെ 12 പോയിന്റായി.
മത്സരത്തിന്റെ 13-ാം മിനിറ്റില് സൂപ്പര് താരം കായി ഹാവെര്ട്സ് നേടിയ ഗോളില് ആഴ്സണല് സ്കോറിങ്ങിന് തുടക്കമിട്ടു. പിന്നീട് ആദ്യ പകുതിയില് തന്നെ ലെന്സ് വല ആഴ്സണലിന്റെ ഗോള് വര്ഷത്താല് മുങ്ങി. ഗബ്രിയേല് ജെസ്യൂസ്(21-ാം മിനിറ്റ്), ബുകായോ സാകാ(23), ഗബ്രിയേല് മാര്ട്ടിനെല്ലി(27), മാര്ട്ടിന് ഒഡേഗാര്ഡ്(45+1) എന്നിവര് കൂടി ഗോള് കണ്ടെത്തിയതോടെ ആദ്യ പകുതിയില് ആഴ്സണല് 5-0ന്റെ ആധിപത്യം നേടി. രണ്ടാം പകുതി പുരോഗമിക്കവെ 86-ാം മിനിറ്റില് ലഭിച്ച പെനല്റ്റി ജോര്ജിഞ്ഞോ ഗോളാക്കി മാറ്റിയതോടെ ക്വാട്ട പൂര്ത്തിയായി.
സ്പാനിഷ് വമ്പന്മാരായ റയല് മാഡ്രിഡും ഇറ്റാലിയന് വമ്പന്മാരായ നാപ്പോളിയും നേര്ക്കുനേര് പോരാടിയതായിരുന്നു ഇന്നലത്തെ മറ്റൊരു പ്രധാന മത്സരം. 4-2ന് റയല് വിജയിച്ചു.
