വോട്ട് രേഖപ്പെടുത്തി ചിരഞ്ജീവി, വെങ്കിടേഷ്, അല്ലു അര്‍ജുന്‍,ജൂനിയര്‍ എന്‍ടിആര്‍

ഹൈദ്രാബാദ് : തെലുങ്കാന നിയമസഭാ തെരഞ്ഞെടുപ്പില്‍ വോട്ട് രേഖപ്പെടുത്തി സിനിമാ താരങ്ങളും. നടന്‍ അല്ലു അര്‍ജുന്‍ വ്യാഴാഴ്ച ഹൈദരാബാദിലെ ജൂബിലി ഏരിയയില്‍ വോട്ട് രേഖപ്പെടുത്തി. ബിഎസ്എന്‍എല്‍ സെന്റര്‍ പോളിംഗ് ബൂത്ത് നമ്പര്‍ 153-ല്‍ വരി നിന്നാണ് താരം വോട്ട് രേഖപ്പെടുത്തിയത്.

VIDEO | Actor @KChiruTweets urges people of the state to vote after casting his vote for #TelanganaElections2023.#AssemblyElectionswithPTI pic.twitter.com/gYnSObGmvQ

— Press Trust of India (@PTI_News) November 30, 2023

ചിരഞ്ജീവി, വെങ്കിടേഷ് ,നാഗാര്‍ജുന, ജൂനിയര്‍ എന്‍ടിആര്‍ എന്നിവരും കുടുംബത്തോടൊപ്പം വോട്ട് ചെയ്തു. പോളിംഗ് ബൂത്തിലെത്തിയ ചിരഞ്ജീവിയെ മാധ്യമങ്ങളും ആരാധകരും വളഞ്ഞു.വോട്ട് ചെയ്ത ശേഷം കാറില്‍ കയറിയ ചിരഞ്ജീവി, എല്ലാവരും വോട്ട് ചെയ്യണമെന്ന് അഭ്യര്‍ത്ഥിച്ചു. എല്ലാവരും ഉത്തരവാദിത്തത്തോടെ വോട്ട് ചെയ്യണമെന്ന് അല്ലു അര്‍ജുനും പറഞ്ഞു.

#WATCH | Telangana Elections | Actor Jr NTR and his family arrive to cast their votes at the polling booth in P Obul Reddy Public School in Hyderabad. pic.twitter.com/UpVO6lgFwv

— ANI (@ANI) November 30, 2023

വോട്ട് ചെയ്ത ശേഷം എം എം കീരവാണി മാധ്യമങ്ങളോട് പറഞ്ഞു. വോട്ട് നമ്മുടെ ഉത്തരവാദിത്തമാണ്, എല്ലാവരും ആ അവകാശം വിനിയോഗിക്കണം. ഞാന്‍ ആദ്യം വന്ന് വോട്ട് ചെയ്തത് എല്ലാവരേയും പ്രചോദിപ്പിക്കാനാണ്. വോട്ട് ചെയ്തതില്‍ സന്തോഷമുണ്ട്.’

നടന്‍ ശ്രീകാന്തും ഹൈദരാബാദിലെ ജൂബിലി ഹില്‍സ് ഏരിയയില്‍ വോട്ട് രേഖപ്പെടുത്തി.