അദാനി വീണ്ടും അതിസമ്പന്നരുടെ പട്ടികയിലേക്ക്

ന്യൂദല്‍ഹി: ഒരിടവേളയ്‌ക്കു ശേഷം ഗൗതം അദാനി വീണ്ടും ലോകത്തെ ഏറ്റവും സമ്പന്നരായ 20 പേരുടെ പട്ടികയില്‍. അദാനി ഗ്രൂപ്പിന്റെ മൊത്തം വിപണിമൂല്യം 1.33 ലക്ഷം കോടി കടന്നതോടെയാണിത്. ബ്ലൂംബര്‍ഗിന്റെ പട്ടികയില്‍ അദാനിയിപ്പോള്‍ 19-ാം സ്ഥാനത്താണ്. 6.5 ബില്ല്യന്‍ ഡോളര്‍ വര്‍ധിച്ച്, 53.8 ബില്ല്യന്‍ ഡോളറാണ് അദാനിയുടെ ആകെ സ്വത്ത്.
ഭാരതത്തിലെ രണ്ടാമനാണ് അദാനി. ഒന്നാമത് മുകേഷ് അംബാനിയാണ്, സ്വത്ത് 89.5 ബില്ല്യന്‍ ഡോളര്‍. കഴിഞ്ഞ വര്‍ഷത്തേതില്‍ നിന്ന് 2.34 ബില്ല്യന്‍ ഡോളറിന്റെ വര്‍ധന.