ന്യൂദല്ഹി: ഉത്തരകാശിയിലെ തൊഴിലാളി സഹോദരങ്ങളുടെ രക്ഷാപ്രവര്ത്തനത്തിന്റെ വിജയം എല്ലാവരെയും വികാരഭരിതരാക്കുന്നതായി പ്രധാനമന്ത്രി നരേന്ദ്ര മോദി. നിങ്ങളുടെ ധൈര്യവും ക്ഷമയും എല്ലാവരേയും പ്രചോദിപ്പിക്കുന്നുവെന്ന് തുരങ്കത്തില് കുടുങ്ങിപ്പോയ സുഹൃത്തുക്കളോട് പറയാന് ആഗ്രഹമുണ്ട്. നിങ്ങള്ക്കെല്ലാവര്ക്കും നല്ല ആരോഗ്യം നേരുന്നു.
ഏറെ നാളത്തെ കാത്തിരിപ്പിനൊടുവില് നമ്മുടെ ഈ സുഹൃത്തുക്കള് തങ്ങളുടെ പ്രിയപ്പെട്ടവരെ കണ്ടുമുട്ടുമെന്നത് വലിയ സംതൃപ്തി നല്കുന്ന കാര്യമാണ്. ഈ വെല്ലുവിളി നിറഞ്ഞ സമയത്ത് ഈ കുടുംബങ്ങളെല്ലാം കാണിച്ച ക്ഷമയും ധൈര്യവും എത്ര അഭിനന്ദിച്ചാലും മതിയാവില്ല.
ഈ രക്ഷാപ്രവര്ത്തനവുമായി ബന്ധപ്പെട്ട എല്ലാവരെയും ഞാന് അഭിവാദ്യം ചെയ്യുന്നു. അവരുടെ ധീരതയും നിശ്ചയദാര്ഢ്യവും നമ്മുടെ തൊഴിലാളി സഹോദരങ്ങള്ക്ക് പുതുജീവന് നല്കി. ഈ ദൗത്യത്തില് ഏര്പ്പെട്ട എല്ലാവരും മാനവികതയുടെയും ടീം വര്ക്കിന്റെയും അത്ഭുതകരമായ മാതൃക കാഴ്ചവെച്ചതായും അദ്ദേഹം എക്സില് കുറിച്ചു.
