മോഡലിംഗിലൂടെ കടന്നുവന്ന് പിന്നീട് വിശ്വസുന്ദരി പട്ടം നേടിയ ഐശ്വര്യ ഇന്ത്യയ്ക്ക് അകത്തും പുറത്തും ഒരുപോലെ പ്രശസ്തയാണ്. ഐശ്വര്യ ഐശ്വര്യ റായ്യുടെ ഓരോ വിശേഷങ്ങളും ആരാധകർ ഏറ്റെടുക്കാറുണ്ട്. ഇപ്പോഴിതാ ഐശ്വര്യ റായ്യും അഭിഷേക് ബച്ചനും വേർപിരിയുന്നുവെന്ന റിപ്പോർട്ടുകളാണ് പ്രചരിക്കുന്നത്.
കഴിഞ്ഞ കുറച്ച് ദിവസങ്ങളായി ഇരുവരും വേർപിരിയുന്നതായുള്ള അഭ്യൂഹങ്ങൾ പ്രചരിക്കാൻ ആരംഭിച്ചിട്ട്. ദീപാവലി, പൂജ പാർട്ടികളിൽ പോലും ഐശ്വര്യയും അഭിഷേകും ഒന്നിച്ച് എത്താതിരുന്നത് ചർച്ചകളിൽ നേടിയിരുന്നു. ഐശ്വര്യയുടെ ഇൻസ്റ്റഗ്രാം പോസ്റ്റുകളും ചർച്ചയാകുന്നുണ്ട്. അന്തരിച്ച പിതാവ് കൃഷ്ണരാജ് റായ്യുടെ ജന്മവാർഷികത്തിൽ മകൾ ആരാധ്യ, അച്ഛനൊപ്പം പോസ് ചെയ്യുന്ന പഴയ ഫോട്ടോകളാണ് ഐശ്വര്യ പങ്കുവച്ചിരിക്കുന്നത്.
‘എന്റെ പ്രിയപ്പെട്ട ഡാഡി, നിങ്ങളെ ഞാൻ എന്നും സ്നേഹിക്കുന്നു. ഏറ്റവും സ്നേഹമുള്ള, ദയയുള്ള, കരുതലുള്ള, ശക്തനും, ഉദാരമനസ്കനും, നീതിമാനുമായിരുന്നു നിങ്ങൾ. നിങ്ങളെപ്പോലെ ആരും ഒരിക്കലും ഇനിയുണ്ടാകില്ല, ഞങ്ങൾ താങ്കളെ വല്ലാതെ മിസ് ചെയ്യുന്നു’ കുറിപ്പോടെയാണ് ഐശ്വര്യയുടെ പോസ്റ്റ്’. അതേസമയം ഭർത്താവ് അഭിഷേകിനൊപ്പമുള്ള ചിത്രങ്ങളൊന്നും അടുത്തിടെ ഐശ്വര്യ പങ്കുവച്ചിട്ടില്ല. ഇത് സോഷ്യൽ മീഡിയ ചർച്ചയാക്കിയിരിക്കുകയാണ്.
അച്ഛനൊപ്പവും മറ്റ് സഹതാരങ്ങൾക്കൊപ്പവും എല്ലാം ചിത്രങ്ങൾ ഐശ്വര്യ അടുത്തിടെ പങ്കുവെച്ചിരുന്നു. ഇതിനെ തുടർന്ന് ഈ സംശയം പ്രകടമാക്കി നിരവധി കമന്റുകളാണ് എത്തുന്നത്. ‘പ്രിയപ്പെട്ട ഐഷ്.. എന്തുകൊണ്ടാണ് നിങ്ങൾ ആരാധ്യയ്ക്കും അഭിഷേകിനുമൊപ്പം ഫോട്ടോയൊന്നും പോസ്റ്റ് ചെയ്യാത്തത്. നിങ്ങളുടെ കുടുംബ ഫോട്ടോകൾ വളരെ കുറവാണ്, അതിനാൽ നിങ്ങൾ പിരിഞ്ഞുവെന്നാണോ അർത്ഥം.. ?” എന്നായിരുന്നു ഒരു കമന്റ്.
അമിതാഭ് ബച്ചന്റെ ജന്മദിനത്തിന് കുടുംബ ഫോട്ടോയിൽ നിന്നും ജയ ബച്ചൻ അടക്കം മറ്റ് കുടുംബ അംഗങ്ങളെ ഐശ്വര്യ ക്രോപ്പ് ചെയ്ത് കളഞ്ഞ് ഫോട്ടോയിട്ടതും വാർത്തായിരുന്നു. കൂടാതെ പാരീസിൽ ഫാഷൻ വീക്കിൽ അടക്കം സജീവമായിരുന്നു ഐശ്വര്യ റായ്. അവിടെയല്ലാം എത്തിയത് മകൾ ആരാധ്യയ്ക്കൊപ്പമാണ്. ഇക്കാര്യങ്ങളും ആരാധകർ ചർച്ചയാക്കിയിരുന്നു.
