ശബരിമല : ശബരിമല ദര്ശനത്തിന് എത്തിയ 63 കാരി ഹൃദയാഘാതം മൂലം മരിച്ചു. പട്ടാമ്പി തെക്ക വാവന്നൂര് കോരം കുമരത്ത് മണ്ണില് വീട്ടില് സേതുമാധവന്റെ ഭാര്യ ഇന്ദിര ആണ് മരിച്ചത്. ഭര്ത്താവും മറ്റ് ബന്ധുക്കള്ക്കും ഒപ്പം ചൊവ്വാഴ്ച ശബരിമലയില് എത്തിയ ഇന്ദിരയും ഒപ്പം ഉണ്ടായിരുന്നവരും രാത്രി 10 മണിയോടെ ദര്ശനം നടത്തിയ ശേഷം നടപ്പന്തലില് ബുധനാഴ്ച പുലര്ച്ചെ നെയ്യഭിഷേകം നടത്തുവാനായി നടപ്പന്തലില് വിരിവച്ചു.
പുലര്ച്ചെ അഞ്ചുമണിയോടെ ഉറക്കം ഉണര്ന്ന് സന്നിധാനത്തേക്ക് പോകാന് ഒരുങ്ങവേ ഇന്ദിര കുഴഞ്ഞുവീഴുകയായിരുന്നു. ഉടന്തന്നെ സന്നിധാനം ഗവണ്മെന്റ് ആശുപത്രിയില് എത്തിച്ചെങ്കിലും മരണപ്പെട്ടു. മേല് നടപടികള്ക്കു ശേഷം മൃതദേഹം ബന്ധുക്കള് നാട്ടിലേക്ക് കൊണ്ടുപോയി.
