ചുരുങ്ങിയ കാലം കൊണ്ട് ശ്രദ്ധേയമായ കഥപാത്രങ്ങൾ ചെയ്ത നടി. ദി ഗ്രേറ്റ് ഇന്ത്യൻ കിച്ചനും നായാട്ടും ചോലയും മാലിക്കുമെല്ലാം ഏറെ ശ്രദ്ധനേടി. ആദ്യ സിനിമയിലൂടെ തന്നെ മികച്ച നടിയ്‌ക്കുള്ള സംസ്ഥാന ചലച്ചിത്ര അവാർഡ് സ്വന്തമാക്കിയ നടിയാണ് നിമിഷ സജയൻ.
ഇപ്പോൾ തമിഴിലും കയ്യടി നേടിയിരിക്കുകയാണ് നിമിഷ സജയൻ. ചിത്ത, ജിഗർതണ്ട ഡബിൾ എക്സ്, എന്നീ ചിത്രങ്ങളുടെ തുടർച്ചയായ വിജയങ്ങളോട് തമിഴിലും താരമായി മാറിയിരിക്കുകയാണ് നിമിഷ സജയൻ. ജിഗർതണ്ട ഡബ്ബിൾ എക്സ് ആണ് നിമിഷ സജയന്റെ ഒടുവിൽ പുറത്തിറങ്ങിയ സിനിമ. കാർത്ത് സുബ്ബരാജ് ഒരുക്കിയ ചിത്രത്തിൽ രാഘവ ലോറൻസാണ് നായകനായി എത്തിയത്.
ഇതിനിടെ ഇപ്പോഴിതാ നിമിഷയെ മാധ്യമ പ്രവർത്തകൻ അപമാനിച്ചത് വാർത്തയായ മാറുകയാണ്. നിമിഷ സജയൻ കാണാൻ അത്ര സുന്ദരിയല്ലെങ്കിലും രാഘവ ലോറൻസിന് തുല്യമായ പ്രകടനമാണ് കാഴ്ചവെച്ചത്. എന്തിനാണ് നിമിഷയെ ഈ വേഷത്തിലേക്ക് തിരഞ്ഞെടുത്തത് എന്നായിരുന്നു മാധ്യമപ്രവർത്തകന്റെ ചോദ്യം. പിന്നാലെ കാർത്തിക്ക് സുബ്ബരാജ് മാധ്യമ പ്രവർത്തകന് ചുട്ടമറുപടി തന്നെ നൽകുകയും ചെയ്തു.
‘എങ്ങനെയാണ് നിങ്ങൾക്ക് അവർ സുന്ദരിയല്ലെന്ന് പറയാൻ സാധിക്കുക. അത് നിങ്ങളുടെ കാഴ്ചപ്പാടാണ്. ഒരാൾ സുന്ദരയില്ലെന്ന് പറയുന്നത് തെറ്റാണ്. അതൊരു തെറ്റായ ചിന്തയാണ്” എന്നായിരുന്നു കാർത്തിക് സുബ്ബരാജ് നൽകിയ മറുപടി. ചിത്രത്തിലെ താരങ്ങളായ ലോറൻസും എസ്ജെ സൂര്യയുമടക്കമുണ്ടായിരുന്ന വേദിയും സദസുമെല്ലാം കാർത്തിക് സുബ്ബരാജിന്റെ മറുപടിയ്‌ക്ക് കയ്യടിക്കുകയും ചെയ്തു.
