അയ്യപ്പഭക്തർ സഞ്ചരിച്ച വാഹനത്തിന് നേരെ കല്ലേറ്; ബസിന്റെ ചില്ല് തകർന്നു

പത്തനംതിട്ട: അയ്യപ്പ ഭക്തർ സഞ്ചരിച്ച വാഹനത്തിന് നേരെ കല്ലേറ്. ഇടമുറി പൊന്നംപാറയിലാണ് സംഭവം. കല്ലേറിൽ ബസിന്റെ മുൻവശത്തെ ചില്ല് പൂർണമായും തകർന്നു. സംഭവത്തിൽ ആർക്കും പരിക്കേറ്റിട്ടില്ലെന്നാണ് ലഭ്യമാകുന്ന വിവരം.

വാഹനത്തിൽ 30-ഓളം ആളുകളായിരുന്നു ഉണ്ടായിരുന്നത്. ആന്ധ്രയിൽ നിന്നുമുള്ള അയ്യപ്പഭക്തരായിരുന്നു വാഹനത്തിൽ ഉണ്ടായിരുന്നത്. ബൈക്കിലെത്തിയ രണ്ട് പേരാണ് കല്ലെറിഞ്ഞത്. പെരുനാട് പോലീസ് സംഭവ സ്ഥലത്തെത്തി പരിശോധന നടത്തി.