ശബരിമല: ശബരിമലയില്‍ എത്തുന്ന അയ്യപ്പഭക്തര്‍ക്ക് സുഗമമായ ദര്‍ശനത്തിനായി ശ്രദ്ധാപൂര്‍വ്വം സുരക്ഷ ഒരുക്കി കേരള പോലീസ്.
സന്നിധാനത്തെ എല്ലാ പ്രധാന പോയിന്റുകളിലുമായി 1400 പോലീസ് ഉദ്യോഗസ്ഥരെ വിന്യസിച്ചിച്ചു കൊണ്ട് ആയിരക്കണക്കിന് അയ്യപ്പന്മാര്‍ക്ക് സുരക്ഷിതമായ ദര്‍ശനം ഒരുക്കുകയാണ് പോലീസ്.
വെര്‍ച്വല്‍ ക്യൂവിലൂടെ രണ്ടു ദിവസം കൊണ്ട് 37,348 തീര്‍ത്ഥാടകരാണ് ബുക്കിങ് നടത്തിയത്. sabarimalaonline.org എന്ന വെബ്‌സൈറ്റ് വഴി 24 മണിക്കൂറും സാജന്യമായി ഓണ്‍ലൈന്‍ ബുക്കിങ് ചെയ്യാവുന്നതാണ്.
പമ്പയില്‍ നിന്നും തുടങ്ങുന്ന വെര്‍ച്വല്‍ ക്യൂ സംവിധാനം അയ്യപ്പന്മാര്‍ക്ക് ബുദ്ധിമുട്ട് കൂടാതെ സുഗമമായ രീതിയില്‍ ദര്‍ശനം സാധ്യമാക്കുവാന്‍ സഹായിക്കുന്നു.
