അടിമാലി(ഇടുക്കി): ക്ഷേമ പെന്ഷന് കിട്ടാന് വൈകുന്നതില് പ്രതിഷേധിച്ച് പിച്ചച്ചട്ടിയെടുത്ത മറിയക്കുട്ടിക്കും അന്നമ്മക്കും ആയുഷ്കാല പെന്ഷന് നല്കുമെന്ന് സുരേഷ് ഗോപി പ്രഖ്യാപിച്ചു. ഇന്നലെ രാവിലെ അടിമാലി ഇരുന്നൂര് ഏക്കറിലുള്ള മറിയക്കുട്ടിയുടെ വീട് സന്ദര്ശിച്ചാണ് ഇക്കാര്യം അറിയിച്ചത്. എംപിയായിരുന്ന തനിക്ക് ലഭിക്കുന്ന പെന്ഷനില് നിന്നാണ് തുക കൈമാറുകയെന്നും അദ്ദേഹം പറഞ്ഞു.
രാവിലെ 10 മണിയോടെ വീട്ടിലെത്തിയ സുരേഷ് ഗോപി അര മണിക്കൂറോളം മറിയക്കുട്ടിക്കും അന്നമ്മയ്ക്കും ഒപ്പം ചെലവഴിച്ചു. രണ്ട് അമ്മമാരേയും ഞാനങ്ങ് എടുത്തെന്ന് പറഞ്ഞ് ഇരുവരേയും ചേര്ത്ത് നിര്ത്തി ആശ്വസിപ്പിച്ചു. മാധ്യമപ്രവര്ത്തകര് കേള്ക്കാതെ മറിയക്കുട്ടിയുടെ ചെവിയില് തന്റെ മകളുടെ വിവാഹത്തിന് ക്ഷണിച്ചു. വിവാഹത്തിന് ഇവരെ കൊണ്ടുവരാന് ഒപ്പം ഉണ്ടായിരുന്ന ബിജെപി ഇടുക്കി ജില്ലാ ജനറല് സെക്രട്ടറി വി.എന്. സുരേഷിനെ ചുമതലപ്പെടുത്തി.
