പത്തനംതിട്ട: മണ്ഡലകാല തീർത്ഥാടനവുമായി ബന്ധപ്പെട്ട് വാർത്താ വിനിമയ സേവനങ്ങൾ സജ്ജമാക്കി ബിഎസ്എൻഎൽ. സന്നിധാനത്തേക്കുള്ള പ്രധാന തീർത്ഥാടന പാതകളിൽ മൊബൈൽ കവറേജ് പൂർണമായും ലഭിക്കുന്നത് 23 മൊബൈൽ ടവറുകളാണ് ബിഎസ്എൻഎൽ സജ്ജമാക്കിയിരിക്കുന്നത്. പ്ലാപ്പള്ളി, പമ്പ ടെലിഫോൺ എക്സ്ചേഞ്ച്, പമ്പ കെഎസ്ആർടിസി, പമ്പ ഗസ്റ്റ് ഹൗസ്, പമ്പ ആശുപത്രി, പമ്പ ഹിൽടോപ്പ്, നിലക്കൽ, ളാഹ, അട്ടത്തോട്, ശബരിമല സിഎസ്സി, ശബരിമല ടെലിഫോൺ എക്സ്ചേഞ്ച് തുടങ്ങിയ നിലവിലുള്ള 12 മൊബൈൽ ടവറുകളിൽ മൊബൈൽ സേവനം തടസമില്ലാതെ ലഭ്യമാക്കുന്നതിനുള്ള ക്രമീകരണങ്ങളും പൂർത്തിയായി.
ഇലവുങ്കൽ, നിലയ്‌ക്കൽ ആശുപത്രി, പമ്പ കെഎസ്ആർടിസി, ശരംകുത്തി, പ്രണവ് ബിൽഡിങ്, ശബരിമല ഗസ്റ്റ് ഹൗസ്, കൈലാഷ് ബിൽഡിങ്, പൊലീസ് ബാരക്ക്, ശബരിമല നടപ്പന്തൽ, അപ്പാച്ചിമേട്, നിലയ്‌ക്കൽ പാർക്കിംഗ് ഏരിയ തുടങ്ങിയ സ്ഥലങ്ങളിൽ 11-ഓളം മൊബൈൽ ടവറുകളുടെയും പ്രവർത്തന സജ്ജമാക്കിയിട്ടുണ്ട്. ശബരിമല, പമ്പ, നിലയ്‌ക്കൽ എന്നിവിടങ്ങളിൽ 300 എംബിപിഎസ് വേഗത ലഭിക്കുന്ന ഒപ്റ്റിക്കൽ ഫൈബർ കണക്ടിവിറ്റി ലഭ്യമാകും.
ഒപ്റ്റിക്കൽ ഫൈബർ മുഖേനയുള്ള 150 ഇന്റർനെറ്റ് കളക്ഷനുകളും 26 ഹോട്ട് ലൈൻ ഫൈബർ-ഫൈബർ കണക്ടിവിറ്റിയിലൂടെ 15 ലിഡ്‌സ് സർക്യൂട്ടുകൾ എന്നിങ്ങനെയുള്ള സേവനങ്ങളാണ് വിവിധ വകുപ്പുകൾക്ക് വേണ്ടി സജ്ജമാക്കിയിരിക്കുന്നത്. പമ്പ മുതൽ സന്നിധാനം വരെ പ്രവർത്തിക്കുന്ന മുഴുവൻ ഓക്സിജൻ പാർലറുകൾ, എമർജൻസി മെഡിക്കൽ സെൻറർ എന്നിവയുടെ പ്രവർത്തനം സുഗമമാക്കുന്നതിനുള്ള ക്രമീകരണങ്ങളും ഏർപ്പെടുത്തിയിട്ടുണ്ട്. 24 മണിക്കൂറും പ്രവർത്തിക്കുന്ന കസ്റ്റമർ സർവീസ് സെൻറർ പമ്പയിലും ശബരിമലയിലും സജ്ജമാക്കിയിട്ടുണ്ട്.
പുതിയ മൊബൈൽ കണക്ഷൻ, അയൽസംസ്ഥാനങ്ങളിലുള്ള സിമ്മുകൾ എടുക്കുന്നത്, റീചാർജ്, ബിൽ പെയ്‌മെന്റ് തുടങ്ങിയ സേവനങ്ങൾ ഇവിടെ ലഭ്യമാകുമെന്ന് അധികൃതർ അറിയിച്ചു. പമ്പ വെർച്ചൽ ക്യൂ, ശബരി മല ക്യൂ കോംപ്ലക്‌സ് തുടങ്ങിയ സ്ഥലങ്ങളിൽ തീർഥാടകർക്ക് പബ്ലിക് വൈഫൈ സൗകര്യവും ലഭിക്കും. ഗ്രാമീണമേഖലയിൽ ഇന്റർനെറ്റ് സംവിധാനം ലഭ്യമാക്കുന്ന ഭാരത് ഉദ്യമി പ്രകാരമുള്ള ബിഎസ്എൻഎൽ ഫൈബർ കണക്ഷനുകൾ ഓൺ ഡിമാന്റ് ആയി നൽകുമെന്ന് ബി എസ് എൻ എൽ പ്രിൻസിപ്പൽ ജനറൽ മാനേജർ കെ സാജു ജോർജ് അറിയിച്ചു.
