തൃശൂര്: അഞ്ചുവര്ഷത്തേക്ക് ബി.ജെ.പിക്ക് കേരളത്തിലും തൃശൂരിലും അവസരം നല്കാന് അഭ്യര്ഥിച്ച് നടനും മുന് എം.പിയുമായ സുരേഷ്ഗോപി. തൃശൂരില് ‘എസ്.ജി കോഫീ ടൈം’ പേരില് സംഘടിപ്പിച്ച ജനസമ്പര്ക്ക പരിപാടിയിലായിരുന്നു അഭ്യര്ഥന. ഓട്ടോറിക്ഷ ഡ്രൈവര്മാര്ക്കൊപ്പമായിരുന്നു പരിപാടി.
രാഷ്ട്രീയം പറയുന്നില്ലെന്നും എന്നാല്, പലരും കുത്തിക്കുത്തി ചോദിക്കുന്നത് കൊണ്ട് താന് പറയാന് നിര്ബന്ധിതനായതാണെന്നും സുരേഷ്ഗോപി പറഞ്ഞു.ആ അഞ്ചുവര്ഷം കൊണ്ട് നിങ്ങള്ക്ക് സഹിക്കാന് പറ്റുന്നില്ലെങ്കില് നല്ല അടിയും തന്ന് പറഞ്ഞുവിട്ടോളൂയെന്നും അദ്ദേഹം അറിയിച്ചു. കേന്ദ്രഭരണം കൈയിലിരിക്കുമ്പോള് തന്നെ നിങ്ങള് കേരളവും തൃശ്ശൂരും തരണമെന്നും സുരേഷ് ഗോപി വ്യക്തമാക്കി.
എന്ത് പശ്ചാത്തലത്തിലാണ് ഇത് പറയുന്നതെന്ന് ചോദിച്ചാല് ഒരഞ്ച് വര്ഷം അവസരം തരൂവെന്ന് ചോദിച്ച് വിപ്ലവകരമായ വിജയം വരിച്ച ഒരു മനുഷ്യന് കരുത്ത് തെളിച്ചപ്പോള് ആ അഞ്ച് വര്ഷം കഴിഞ്ഞ് വീണ്ടും അഞ്ച് വര്ഷം കൂടി ലഭിച്ചു. ഇനി എത്ര വര്ഷം ലഭിക്കുമെന്ന് നോക്കാം. ആ ഒരു നട്ടെല്ലിന്റെ വിശ്വാസതിലാണ് ഇത് പറയുന്നതെന്നും അദ്ദേഹം കൂട്ടിച്ചേര്ത്തു.
തൃശൂര് നടുവിലാലിന് സമീപം ദീപാവലി ദിനത്തില് ഓട്ടോറിക്ഷ െ്രെഡവര്മാര്ക്കായി സംഘടിപ്പിച്ചതായിരുന്നു പരിപാടി. നഗരത്തിരക്കില് തങ്ങളനുഭവിക്കുന്ന പ്രയാസങ്ങള് ഓട്ടോ ഡ്രൈവര്മാര് സുരേഷ് ഗോപിക്ക് മുന്നില് അവതരിപ്പിച്ചു. തന്റെ സ്വപ്ന പദ്ധതിയായചൂണ്ടല് എലിവേറ്റഡ് പാത തന്റെ യാഥാര്ഥ്യമായാല് നഗരത്തിലെ തിരക്കിന് ഒരു പരിധി വരെ പരിഹാരമാകുമെന്ന് സുരേഷ് ഗോപി പറഞ്ഞു.
