കോട്ടയം: കോട്ടയത്ത് മുള്ളങ്കുഴി എലിപ്പുലിക്കാട്ട് കടവില് മീനന്തറയാറ്റില് യുവാവ് മുങ്ങി മരിച്ചു.കാഞ്ഞിരപ്പള്ളി സ്വദേശി ജോയല് ആണ് മരിച്ചത്. ഇന്ന് രാവിലെയാണ് സംഭവം.
വിവാഹത്തില് പങ്കെടുക്കാന് എത്തിയതായിരുന്നു ജോയല്. തുടര്ന്ന് മീനന്തറയാറ്റിലെത്തിയ യുവാവിനെ പുഴയില് കാണാതാവുകയായിരുന്നു.
നാട്ടുകാരും അഗ്നിശമന സേനയും കോട്ടയം ഈസ്റ്റ് പൊലീസും നടത്തിയ തിരച്ചിലിനൊടുവില് ഉച്ചയോടെയാണ് മൃതദേഹം കണ്ടെത്തിയത്. മണിക്കൂറുകള് നീണ്ട ശ്രമത്തിലാണ് മൃതദേഹം കണ്ടെടുത്തത്.. മൃതദേഹം കോട്ടയം മെഡിക്കല് കോളജിലേക്ക് മാറ്റി.
