ബംഗ്ലാദേശിനെ തരിപ്പണമാക്കി ഓസ്‌ട്രേലിയ

പൂനെ: ലോകകപ്പില്‍ ബംഗ്ലാദേശിനെതിരെ ഓസ്‌ട്രേലിയക്ക് മികച്ച വിജയം. ബംഗ്ലാദേശിനെതിരെ എട്ട് വിക്കറ്റിന്റെ വിജയമാണ് ഓസ്‌ട്രേലിയ നേടിയത്.

മിച്ചല്‍ മാര്‍ഷ് 132 പന്തില്‍ 177 റണ്‍സ് എടുത്ത് വിജയശില്‍പിയായി. മാര്‍ഷിന്റെ ഇന്നിംഗ്‌സില്‍ ഒമ്പത് സിക്‌സും പതിനേഴ് ഫോറും ഉള്‍പ്പെടുന്നു.

വാര്‍ണര്‍ 53 റണ്‍സ് എടുത്തു.സ്മിത്ത് 63 റണ്‍സുമായി പുറത്താകാതെ നിന്നു.

ആദ്യം ബാറ്റ് ചെയ്ത ബംഗ്ലാദേശ് 50 ഓവറില്‍ എട്ട് വിക്കറ്റ് നഷ്ടത്തില്‍ 306 റണ്‍സെടുത്തു. 74 റണ്‍സ് എടുത്ത് തൗഹീദ് ഹൃദ്യോയ് ബംഗ്ലാദേശിന്റെ ടോപ് സ്‌കോറര്‍ ആയി.ഷാന്റോ 45 റണ്‍സ് എടുത്തപ്പോള്‍ ലിറ്റണ്‍ ദാസും തന്‍സീദ് ഹസനും 36 റണ്‍സ് വീതം എടുത്തു.

ഓസ്‌ട്രേലിക്ക് വേണ്ടി ഷോണ്‍ അബോട്ടും ആദം സാംബയും രണ്ട് വിക്കറ്റ് വീതം വീഴ്‌ത്തി. സ്റ്റോയിനിസ് ഒരു വിക്കറ്റ് നേടി.