ജെറുസലെം: ഇപ്പോള് മധ്യേഷ്യന് മേഖല ഇസ്ലാമിക തീവ്രവാദത്തിന്റെ പിടിയില് അമര്ന്നു കഴിഞ്ഞാല് പിന്നെ യൂറോപ്പിനെയും ഇസ്ലാമിക തീവ്രവാദം കീഴടക്കുന്ന കാലം വിദൂരമല്ലെന്ന് ഇസ്രയേല് പ്രധാനമന്ത്രി ബെഞ്ചമിന് നെതന്യാഹു. അപ്പോള് പിന്നെ ആരും സുരക്ഷിതരായിരിക്കില്ലെന്നും നെതന്യാഹു പറഞ്ഞു.
താന് ഇപ്പോള് നടത്തുന്നത് വാസ്തവത്തില് ഒരു പ്രാദേശിക യുദ്ധമല്ല. ആഗോള യുദ്ധമാണെന്നും നെതന്യാഹു പറഞ്ഞു.
ഗാസയിലെ ഖാന് യൂനിസിലെ ഖാലിദ് ഇബ്ന് അല്-വാലിദ് എന്ന മുസ്ലിം പള്ളി ഇസ്രയേല് പ്രതിരോധ സേന ആക്രമിച്ചതായി നെതന്യാഹു പറഞ്ഞു. ഈ പള്ളി ഹമാസ് തീവ്രവാദികള് മറയാക്കിയതിനാലാണ് ആക്രമിച്ചതെന്നും നെതന്യാഹു പറഞ്ഞു.
